სამართლიანად ჩატარდა თუ არა არჩევნები
ჭიათურის მერმა რესტორანში იჩხუბა
16-07-2018
ჭიათურის ერთ-ერთ რესტორანში მუნიციპალიტეტის მერს, პაატა ნადირაძესა და სხვა სუფრის წევრებს შორის ფიზიკური დაპირისპირება მოხდა.
არსებული ინფორმაციით, ჩხუბში ადგილობრივი ხელისუფლების სხვა წარმომადგენლებიც მონაწილეობდნენ.
თვითმხილველის ინფორმაციით, დაპირისპირებაში „ქართული ოცნების“ წარმომადგენელი ქალიც ფიგურირებდა.
„რესტორან „შუა გზაში“ მოხდა ჩხუბი. ჩვენს სუფრასთან მოვიდა ერთი ჭიქა ღვინო დალია და ჭიქა დაარტყა მაგიდაზე, რასაც უბრალოდ სიტყვიერი შელაპარაკება მოჰყვა. შემდეგ ჩვენი თანამშრომელი გავიდა გარეთ, ტელეფონზე საუბრობდა, გაყვნენ ესენი და ცემეს, ერთ-ერთმა ქალბატონმა ბოთლი ჩაარტყა თავში და გათიშა. ეს ქალი „ქართული ოცნების“ წარმომადგენელი იყო. მერიც მონაწილეობდა, ჩემს თანამშრომელს ერთი დარტყმა მიაყენა“- განაცხადა თვითმხილველმა ტელეკომპანია „რუსთავი 2“-ის ჟურნალისტთან საუბრისას.
