სამართლიანად ჩატარდა თუ არა არჩევნები
ComCom-ის ციფრული მხარდაჭერის პროგრამას ქობულეთში უკვე 200-ზე მეტი ბენეფიციარი ჰყავს
10-03-2023
გრძელდება ციფრული მხარდაჭერის პროგრამა ქობულეთში, რომლის ფარგლებშიც, კომუნიკაციების კომისიამ ქობულეთის სოფელ კონდიდის, ლეღვას, ჭახათის, წყავროკასა და გვარას 100-ზე მეტი ადგილობრივი ციფრულ წიგნიერებასა და ინტერნეტის უსაფრთხო გამოყენებაში გადაამზადა. პროგრამა ქობულეთის სამიზნე სოფლებში 7 თებერვალს დაიწყო და ამ დრომდე 200-ზე მეტი ბენეფიციარი ჰყავს.
მონაწილეებმა სპეციალისტების დახმარებით ინფორმაციის მოძიება, ელ-ფოსტის შექმნა და გამოყენება, გუგლის რუქითა და თარჯიმნით სარგებლობა, ადგილმდებარეობის გაზიარება და ონლაინ საკომუნიკაციო საშუალებების გამოყენება ისწავლეს.
შეგახსენებთ, რომ ინტერნეტიზაციის სახელმწიფო პროგრამის მხარდასაჭერად, ხორციელდება პროექტი Log-in Georgia, რომლის შემადგენელი ნაწილიც ციფრული მხარდაჭერის პროგრამაა. Log-in Georgia საქართველოს 500,000-მდე სოფლად მცხოვრებისთვის მაღალხარისხიანი ინტერნეტის მიწოდების შესაძლებლობის შექმნასა და ციფრული სერვისების სასარგებლო გამოყენების ხელშეწყობას ისახავს მიზნად. პროექტი მსოფლიო ბანკისა და ევროპის საინვესტიციო ბანკის თანადაფინანსებით ხორციელდება.
