სამართლიანად ჩატარდა თუ არა არჩევნები
პაპუნა კახიძე ლომჯარიაზე: არცერთი ადამიანი, ვისთვისაც მართლა მნიშვნელოვანია ევროპული ფასეულობები, ევროინტეგრაცია და საქართველოს უსაფრთხოება, მსგავს განცხადებას არ გააკეთებს
13-03-2023
ძალიან სამწუხაროა, როდესაც ყოფილი სახალხო დამცველი მსგავსი შინაარსის პოსტს ავრცელებს და ამ ყველაფერს ევროპისა და ევროპული ღირებულებების დაცვის მოტივით აკეთებს… - ამის შესახებ ფეისბუქმომხმარებელი პაპუნა კახიძე სოციალურ ქსელში წერს.
"მე არ მინდა და არც ვაპირებ მისი, როგორც ომბუდსმენის საქმიანობა შევაფასო, მაგრამ ეს განცხადება არამატო საშიში, არაადეკვატური და უბრალოდ მავნებლურია, არამედ 12 პუნქტიდან, პირველი მათგანის დეპოლარიზაციის პობლემის მოგვარების მცდელობას ძირს უთხრის, ვინაიდან სამწუხაროდ თუ საბედნიეროდ მას ნამდვილად გააჩნია საზოგადოების გარკვეულ მცირე წრეებზე გავლენა, რაც აუცილებლად გამოიწვევს საზოგადოებაში პოლარიზაციის გაღრმავებას და მხოლოდ და მხოლოდ დაგვაშორებს ჩვენს ევროპულ მომავალს.
როდესაც ევროპის კავშირზე, მის პრინციპებსა და ღირებულებებზე ვსაუბრობთ, რამდენად შესაბამისობაშია ევროპულ ღირებულებებთან ოპონენტის მარგინალიზაცია და დეჰუმანიზაცია, მხოლოდ და მხოლოდ განსხვავებული აზრის ქონის გამო, სწორედ ასე დაიწყო ჰიტლერმაც და თუ როგორ დასრულდა მისი მმართველობა მოგეხსენბათ…
არა მეგობრებო, ეს არც ევროპული და არც აზიური ღირებულებაა, არცერთი გონიერი ადამიანი, ვისთვისაც მართლა მნიშვნელოვანია ევროპული ფასეულობები, ჩვენი ევროინტეგრაცია და საქართველოს უსაფრთხოება, მსგავს განცხადებას არ გააკეთებს.
P.S: ვინც არ უნდა გააკეთოს მსგავსი განცხადება ოპოზიცაი იქნება ეს თუ ხელისუფლება ნებისმიერი მათგანი მიუღებელი და არასწორი იქნება" - წერს კახიძე.
