ჩემი სახელით და ყალბი ექაუნთით, ვიღაცას მიწერეს და ეს ვიღაც პანიკაში ჩავარდა, თუ სქრინი არის საერთოდ ფეიკი - დიმიტრი სამხარაძე

21-03-2023

„ქართული ოცნების“ წევრი დიმიტრი სამხარაძე სოციალური ქსელის მომხმარებლის პოსტს ეხმიანება, რომლის მტკიცებით, მას თითქოს „ქართული ოცნების“ რეგიონულმა მდივანმა მისწერა და დაემუქრა.

დიმიტრი სამხარაძე აღნიშნულ პოსტს ყალბს უწოდებს.

„მეგობარმა ჩამიგდო და წესიერად ისისც ვერ გავარკვიე, ჩემი სახელით და ყალბი ექაუნთით, ვიღაცას მიწერეს და ეს ვიღაცა პანიკაში ჩავარდა. თუ სქრინი არის საერთოდ ფეიკი. ბევრი რომ არ ვწერო, რამდენიმე სიტყვაზე გავამახვილებ თქვენს ყურადღებას:

1. “ბიჭო”
2. “გაძუყვნა”
3. “ჩაი*ვი”
4. “მიწიდან ამოგთხრი”
5. “ კეთილები”
და ბოლოს ყველაზე მაგარი, „ვირთხავ“, ამან დაგლიჯა.

ეს სიტყვები ჩემს ლექსიკონში არ არის. ყოველ დღე კითხულობთ ჩემს პოსტებს და შეგეძლოთ უფრო ხარისხიანი ფეიკი შეგექმნა. ან როდის იყო მესინჯერში ვინმესთვის რამე მიმიწერია, გამორთული მაქვს, იდიოტებო. ტექსტიც ან ქალის დაწერილია, ან გეის.

გავატარებდი ამ სიგიჟეს, მაგრამ, „ნაცების“ შავი წარსული რომ ვიცი და მათი უფრო ბნელი მომავალი, პრევენციის მიზნით დავაფიქსირებ! ნეკროლოგი მერაბიშვილი გყავთ ლიდერად, აქციაზეც არასრულწლოვნების სისხლი გინდოდათ! ახლა ახალი მოიფიქრეთ? „ნაცებო“, ფაშისტო ლიბერალებო, ესენი ჩვენი სახელით დაგემუქრებიან, შეიძლება მუქარაც აღასრულონ ჩვენ რომ დაგვბრალდეს, ხოდა ფრთხილად იყავით! ჩვენ არც მსგავსი რამის გამფიქრებლები ვართ, არც ასე ადვილად არ დავიბრალებთ და დაზარალებულები თქვენ დარჩებით, მით უმეტეს ისინი, რომლებსაც ასეთი ბინძური ფეიკებისთვის გამოგიყენებენ“, - აღნიშნა სამხარაძემ.