ეს კანონი რომ მიგვეღო, აგენტებისთვის გადახდილი თანხების ოდენობა ჩვენც გვეცოდინებოდა - გოგა ხაინდრავა

21-03-2023

კინორეჟისორი გოგა ხაინდრავა საქართველოში ადამიანის უფლებების მდგომარეობის შესახებ ამერიკის შეერთებული შტატების სახელმწიფო დეპარტამენტის მიერ გამოქვეყნებულ 2022 წლის ანგარიშს ეხმაურება, სადაც „ფორმულას“ დამფუძნებლის დავით კეზერაშვილის საქმეც მოხვდა და სადაც აღნიშნულია, რომ თავდაცვის სამინისტროს სარჩელი კეზერაშვილის წინააღმდეგ შეეხება ერთ-ერთ კრიტიკულ ტელეკომპანიასაც, რადგან „ფორმულა“ კეზერაშვილის ერთადერთ აქტივს წარმოადგენს.

„აშშ სახ.დეპის 2022 წ. ანგარიში, არსით რუსული FARA-ს სულისკვეთებისამებრ - საქართველოში გავლენის აგენტების ვინაობას და მათი პატრონების შეკვეთის აღსრულებას სრულად ასახავს. ეს კანონი რომ მიგვეღო აგენტებისთვის გადახდილი თანხების ოდენობა ჩვენც გვეცოდინებოდა“, - წერს ხაინდრავა ტვიტერზე.