სამართლიანად ჩატარდა თუ არა არჩევნები
მამუკა მდინარაძე „ფორმულას“: თქვენ მხარს უჭერთ პარტიას, რომელმაც სკამებზე და მაგიდებზე „გადასკოჩილი“ ადამიანები გააუპატიურა
29-03-2023
“Postv”-ის ჟურნალისტს აბრალებდნენ ცრუ დასმენას. ეს რომ ასე იყოს, ჟურნალისტს თუ დააბრალებ ამ შემთხვევაში ცრუ დასმენას, ნებისმიერი თქვენი სიუჟეტი დაისჯება ცრუ დასმენის შესაბამისი მუხლით - ასე უპასუხა ფრაქცია „ქართული ოცნების“ თავმჯდომარემ, მამუკა მდინარაძემ ტელეკომპანია „ფორმულას“ ჟურნალისტის მიერ ცრუ დასმენასთან დაკავშირებით დასმულ კითხვას.
„წარმოიდგინეთ, მაგალითად, ნებისმიერი დაბრალება პოლიტიკოსების მიმართ შეიძლება შეფასდეს, როგორც ცრუ დასმენა და დაისაჯოს. ანუ, ნათია ბერიძის მიმართ, რომელიც, თავად ამბობს, რომ ინფორმაცია მიიღო და ეს ინფორმაცია გაახმოვანა, თუ შედეგი დადგება რომ ეს იყო ცრუ დასმენა, ყოველ დღე „დასაჭერები“ გახდებით- აღნიშნა მამუკა მდინარაძემ.
როგორც მდინარაძემ განაცხადა, მართლაც ძალიან უსიამოვნო მოსასმენი იყო ის, რაც ჩანაწერებში ვნახეთ, გიდასტურებთ მთელი პასუხისმგებლობით, მაგრამ შესაბამის კვალიფიკაციაზე - ეს სამოქალაქოა, ადმინისტრაციულია, სისხლის დანაშაულია თუ არა ეს უნდა გადაწყვიტოს სასამართლომ და არა მე და თქვენ.
მისივე თქმით, ამაზრზენია როცა ამ ყველაფერს ის ადამიანები აპროტესტებენ და იმ ადამიანებს აჟრიალებთ ვითომ ამ ყველაფერზე, რომლებმაც თავის დროზე სკამებზე და მაგიდებზე „გადასკოჩილი“ ადამიანები გააუპატიურა.
„თქვენ მხარს უჭერთ იმ პარტიას, თქვენ პირადად არა, ამ მიკროფონის ლოგოს გამო გეუბნებით, ამ ქვეყანაში არის მინიმუმ სამი ტელევიზია, რომელიც პარტიას უჭერს მხარს და მის კუთვნილებას წარმოადგენს, რომელიც ქმნიდა და შექმნა სისტემა, რომელმაც სკამებზე და მაგიდებზე „გადასკოჩილი“ ადამიანები გააუპატიურა და ახლა ამათ, თურმე, ძალიან დიდი წუხილი აქვთ ქალების საკითხთან დაკავშირებით“- განაცხადა მამუკა მდინარაძემ.
