კახეთში სასტუმრო „ლოპოტა სპა რეზორტი“იხსნება

24-07-2018

„საპარტნიორო ფონდის“  მხარდაჭერით, კახეთის რეგიონში სასტუმრო „ლოპოტა სპა რეზორტის“ გახსნა იგეგმება. ლოპოტას ტურისტული კომპლექსის გაფართოების პროექტის მეორე ფაზა დასრულდა. უმაღლესი კლასის სასტუმრო კომპლექსის  გახსნის ცერემონია  „ლოპოტა სპა რეზორტის“ ტერიტორიაზე გაიმართება. ღონისძიებას კახეთში სახელმწიფო რწმუნებული ირაკლი ქადაგიშვილი, „საპარტნიორო ფონდის“ აღმასრულებელი დირექტორი დავით საგანელიძე, ადგილობრივი ხელისუფლების,  ბიზნეს სექტორის, ფონდის წარმომადგენლები და სხვა ოფიციალური პირები დაესწრებიან.

სასტუმრო ხვალ, 25 ივლისს, 12:30 სთ-ზე გაიხსნება.