რეგიონებში სასწრაფო-სამედიცინო დახმარების თანამშრომლებს ხელფასი გაეზრდებათ

26-07-2018

მთავრობის ინიციატივის შედეგად, რეგიონებში სასწრაფო-სამედიცინო დახმარების თანამშრომლების ხელფასის 20-30%-ით გაზრდა იგეგმება.
ამის შესახებ დღეს საქართველოს პრემიერ-მინისტრმა, მამუკა ბახტაძემ განაცხადა.
მისი თქმით, ეს ნაბიჯი ძალიან მნიშვნელოვანია, რათა ჯანდაცვის სერვისი რაიონებში უფრო მაღალი ხარისხით და ოპერატიულად მიეწოდოს მოსახელობას.

„დღეს მთავრობაზე კიდევ ერთი მნიშვნელოვანი ინიციატივა გამოდის, რომლის შედეგადაც ჩვენ 20-30%-ით გავუზრდით ხელფასებს რაიონის სასწრაფო-სამედიცინო ბრიგადებს. ამ ადამიანებს აქვთ უზარმაზარი პასუხისმგებლობა, მართლაც რომ 24 საათიან რეჟიმში მუშაობენ და ვფიქრობთ, ეს ნაბიჯი ძალიან მნიშვნელოვანია იმისთვის, რომ ზოგადად სერვისი და ჯანდაცვის სერვისი ჩვენს რაიონებში, მოსახლეობას უფრო მაღალი ხარისხით და ოპერატიულად მივაწოდოთ“- განაცხადა ბახტაძემ.