ირაკლი ზარქუა ხაბეიშვილს: ჩვენ ხაბეიშვილის მოწოდებებს სერიოზულად ვუყურებთ;12 პუნქტიან გეგმას შევასრულებთ, ოღონდ თქვენ არ შეშფოთდეთ

10-04-2023

ჩვენ ხაბეიშვილის მოწოდებებს სერიოზულად ვუყურებთ, დიახ, ბატონო ლევან, ჩვენ 12 პუნქტიან გეგმას შევასრულებთ, ბოლომდე მივიყვანთ თქვენს ამ მოწოდებას, ოღონდ თქვენ არ შეშფოთდეთ - ასე პასუხობს უმრავლესობის წევრი ირაკლი ზარქუა „ნაცმოძრაობის“ ლიდერს ლევან ხაბეიშვილს.

„ჩვენ ხაბეიშვილის მოწოდებებს სერიოზულად ვუყურებთ და დიახ, ბატონო ლევან, ჩვენ 12 პუნქტიან გეგმას შევასრულებთ, ბოლომდე მივიყვანთ თქვენს ამ მოწოდებას, ოღონდ თქვენ არ შეშფოთდეთ, ძალიან გთხოვთ, არ აღელდეთ, ჩვენ ამას ყველაფერს გავაკეთებთ.

ახლა დაგვრჩა ორი, დანარჩენი შესრულებულია, იმ ორში, თქვენ თუ გეცლებათ შემობრძანდით, მიიღეთ მონაწილეობა, თუ არ გეცლებათ, არ შეგაწუხებთ, ჩვენ თვითონ გავაკეთებთ ამას, ჩემო ხაბე“, - განაცხადა ირაკლი ზარქუამ.