გია აბაშიძე: იმ ფონზე, როცა ელჩი დეგნანი თავხედურად ერევა საქართველოს შიდა საქმეებში, ენტონი ბლინკენს ურთიერთობა დაეძაბა კონგრესის წარმომადგენელთა პალატის რესპუბლიკელ უმრავლესობასთან

21-04-2023

“ენტონი ბლინკენს ურთიერთობა დაეძაბა კონგრესის წარმომადგენელთა პალატის რესპუბლიკელ უმრავლესობასთან. საქმე ეხება ჯო ბაიდენის ვაჟის, ჰანტერ ბაიდენის 2019-ში სახელოსნოში მიტოვებულ ლეპტოპს, რომელშიც უამრავი კომპრომატი აღმოაჩინეს”- ამის შესახებ ანალიტიკოსი გია აბაშიძე სოციალურ ქსელში წერს, რითაც ამერიკის შეერთებული შტატების პრეზიდენტის ჯო ბაიდენის ვაჟის, ჰანტერ ბაიდენის ირგვლივ 2020 წლის საპრეზიდენტო არჩევნებამდე გავრცელებულ ამბავს ეხმიანება.

გავრცელებული წერილზე, თითქოს ჰანტერ ბაიდენის ლეპტოპის შესახებ ისტორიები რუსული დეზინფორმაცია იყო ანალიტიკოსი გია აბაშიძე აღნიშნავს, რომ კონგრესის წარმომადგენელთა პალატის კომიტეტებისადმი მიცემულ ჩვენებაში ნათქვამია, რომ სწორედ ბაიდენის კამპანიის იმდროინდელი მრჩეველი, ენტონი ბლინკენი იყო წერილის სტიმულატორი.

აბაშიძის თქმით, კონგრესმენებმა ბლინკენისგან მოითხოვეს იმ პირების ვინაობის დასახელება, ვისაც დაუკავშირდა კოლექტიური განცხადების შედგენისთვის.

“იმ ფონზე, როცა ელჩი დეგნანი თავხედურად ერევა სუვერენული საქართველოს შიდა საქმეებში, მის შეფს, ენტონი ბლინკენს ურთიერთობა დაეძაბა კონგრესის წარმომადგენელთა პალატის რესპუბლიკელ უმრავლესობასთან. საქმე ეხება ჯო ბაიდენის ვაჟის, ჰანტერ ბაიდენის 2019-ში სახელოსნოში მიტოვებულ ლეპტოპს, რომელშიც უამრავი კომპრომატი აღმოაჩინეს. 2020 წლის საპრეზიდენტო არჩევნებამდე ამბავი გაავრცელა The New York Post-მა, შემდეგ Fox News-მა.

რესპუბლიკელებმა თემა აიტაცეს ბაიდენის წინააღმდეგ, მაგრამ ეფექტურად ვერ გამოიყენეს. 2020 წლის ოქტომბერში, დაზვერვის 51-მა ყოფილმა და მოქმედმა ჩინოსანმა გაავრცელეს წერილი, რომელშიც ეწერა, რომ ჰანტერ ბაიდენის ლეპტოპის შესახებ ისტორიები რუსული დეზინფორმაცია იყო.

შარშან, შუალედურ არჩევნებში გამარჯვებამდე, რესპუბლიკელებმა პირობა დადეს, რომ ბოლომდე მიჰყვებოდნენ ჰანტერის ლეპტოპის ზესკანდალსა და მის გარშემო დემოკრატების მიერ ორკესტრირებულ გამართლების ცრუ კამპანიას. შედეგებიც ნელ-ნელა ზედაპირზე ამოდის. კონგრესის წარმომადგენელთა პალატის კომიტეტებისადმი მიცემულ ჩვენებაში CIA-ს დირექტორის ყოფილმა მოადგილემ მაიკლ მორელმა თქვა, რომ ბაიდენის კამპანიის იმდროინდელი მრჩეველი, ენტონი ბლინკენი იყო 2020 წლის ოქტომბრის წერილის სტიმულატორი.

გუშინ, იურიდიული კომიტეტის თავმჯდომარემ ჯიმ ჯორდანმა და დაზვერვის კომიტეტის ხელმძღვანელმა მაიკ ტერნერმა ერთობლივი წერილი გაუგზავნეს ბლინკენს, რომელშიც აღნიშნულია: აშკარაა, რომ ბაიდენის კამპანიამ აქტიური როლი ითამაშა სპეცსამსახურების ჩინოსანთა საჯარო განცხადების შექმნაში, რამაც გავლენა მოახდინა ჰანტერ ბაიდენის ისტორიის ჩახშობაში და ამერიკის მოქალაქეებისთვის ინფორმირებული გადაწყვეტილების შეჩერებაში 2020 წლის საპრეზიდენტო არჩევნების დროს...ეს შეთანხმებული ძალისხმევაა ბაიდენის ოჯახის შესახებ სერიოზული ბრალდებების საჯარო გავრცელების მინიმუმამდე დაყვანისა და აღკვეთის მიზნით, რაც სერიოზული ზიანი იყო აშშ-ის ყველა მოქალაქის ინფორმირებულ მონაწილეობისთვის ჩვენს დემოკრატიაში.

კონგრესმენებმა ბლინკენისგან მოითხოვეს იმ პირების ვინაობის დასახელება, ვისაც დაუკავშირდა კოლექტიური განცხადების შედგენისთვის. სახელმწიფო მდივანმა ასევე უნდა წარმოადგინოს ყველა დოკუმენტი, რომელიც ეხება ხსენებულ განცხადებას. ვადაც დაუწესდა - 4 მაისის 17 საათამდე. მეტიც, აშშ-ის შიდა შემოსავლების სამსახურის (Internal Revenue Service, IRS) კრიმინალური ზედამხედველობის აგენტმა, რომელიც მოითხოვს საკუთარ დაცვას სპეცპროგრამით, ადვოკატის საშუალებით კონგრესს აცნობა, რომ ჰანტერ ბაიდენის გამოძიება პრეზიდენტის ადმინისტრაციის ჩარევით არასწორად მიმდინარეობს.

მამხილებელი ამტკიცებს ინტერესთა ნათელ კონფლიქტს, პრეზიდენტის ვაჟისთვის უპირატესი მოპყრობის პრაქტიკას და ამბობს, რომ გამოძიება არასწორად მიმდინარეობს, არ ეყრდნობა გადაწყვეტილებებსა და პროტოკოლებს, რომლებსაც ჩვეულებრივ მიჰყვებიან სამართალდამცავნი მსგავს ვითარებაში. ამ ბრალდებას თეთრი სახლი უარყოფს. თუმცა, ჰანტერ ბაიდენის სავარაუდო კრიმინალური, ფინანსური კავშირების ბოლომდე დადგენას ჩინეთისა და უკრაინის პოლიტიკურ ელიტებთან რესპუბლიკელები რომ არ შეეშვებიან, ცხადზე ცხადია. კონგრესმა უკვე გამოითხოვა ბაიდენებისა და მათი ახლობლების საბანკო ტრანზაქციები სხვადასხვა ფინანსური ინსტიტუტებიდან... Biden campaign, Blinken orchestrated intel letter to discredit Hunter Biden laptop story, ex-CIA official says https://www.foxnews.com/politics/biden-campaign-blinken-orchestrated-intel-letter-discredit-hunter-biden-laptop-story-ex-cia-official-says?fbclid=IwAR1apNI0rnTirWlyDkgwnMl2Z4PMBn9yorJ0YEkUogebsUpklpmDdiZ3KXQ White House insists no 'political interference' in Hunter Biden probe after IRS whistleblower comes forward https://www.foxnews.com/politics/white-house-insists-no-political-interference-hunter-biden-probe-after-irs-whistleblower?fbclid=IwAR0rFwzC4tVxWJOipzXUE8U7kV6gJwueR73vfDYQC_74EJDaQGWsSYZFhB8”- წერს გია აბაშიძე.