ნინოწმინდაში, „რაფაელ ჯავახ“ ცენტრში, ქართული ენის შემსწავლელი ჯგუფი გაიხსნა

27-07-2018

საქართველოს სახელმწიფო ენის შემსწავლელი ჯგუფის გახსნის მიზნით, საქართველოს სამოციქულო ეკლესიის, ქ.ნინოწმინდის „რაფაელ ჯავახ“ საგანმანათლებლო კულტურული ცენტრის ხელმძღვანელის - ჟორა სნხჩიანის ინიციატივით გაიმართა შეხვედრა შერიგებისა და სამოქალაქო თანასწორობის საკითხებში საქართველოს სახელმწიფო მინისტრ ქეთევან ციხელაძესა და პარლამენტის წევრ ნინოწმინდა-ახალქალაქის მაჟორიტარ დეპუტატ ენზელ მკოიანთან. შეხვედრაზე იმყოფებოდა ნინოწმინდის მუნიციპალიტეტის მერი ანი მოსოიანი, საკრებულოს თავმჯდომარე სუმბატ კიურეღიანი, თანამდებობის სხვა პირები, სამინისტროს წარმომადგენლები, ნინოწმინდის -ზურაბ ჟვანიას სახელობის სასწავლო ცენტრის ხელმძღვანელი ელმირა ქსპოიანი და ქ.ნინოწმინდის წმინდა სარგისის ეკლესიის სასულიერო პირი - არმაშ პოღოსიანი.

შეხვედრა მიზნად ისახავდა, კიდევ ერთი ქართული ენის შემსწავლელი ჯგუფის გახსნას, რომელიც სექტემბრიდან ამოქმედდება და რომელიც მისაწვდომი იქნება ყველა მსურველისთვის.

აღსანიშნავია ისიც, რომ შეხვედრის ბოლოს ჰაიოს-ქართლოსის პარკში ქალბატონმა ქეთევან ციხელაშვილმა და ბატონმა ენზელ მკოიანმა, სხვა თანამდებობის პირებთან ერთად, პატივი მიაგეს ამავე სახელობის ძეგლს და შეხვედრა ყვავილების მიძღვნით დააგვირგვინეს.