რუსთავის მერი სახალხო დღესასწაულს ,,დმანისობა 2018''-ს დაესწრო

27-07-2018

რუსთავის მერი, ქალაქისა და მხარის ხელმძღვანელობასთან ერთად, დმანისის მუნიციპალიტეტში სახალხო დღესასწაულს დაესწრო.

ირაკლი ტაბაღუამ დმანისელებს დმანისობა მიულოცა და მუნიციპალიტეტის მერს, საჩუქრად რუსთავის ნაქალაქარზე არქეოლოგიური გათხრების შედეგად აღმოჩენილი, 1230 წლით დათარიღებული, რუსუდან დედოფლის მონეტის ასლი გადასცა.

სადღესასწაულო ღონისძიებაზე, ქვემო ქართლის მუნიციპალიტეტებიდან მიწვეულ შემოქმედებით ჯგუფებთან ერთად, მონაწილეობას იღებდა რუსთავის ქორეოგრაფიული ანსამბლი „სალხინო’’.

ღონისძიების ფარგლებში საკუთარი კუთხე წარმოადგინა რუსთავის მერიამ, სადაც რუსთაველ ხელოვანთა ნამუშევრები გამოიფინა.