გომბორის გზაზე ავტოავარიისას ლაგოდეხის მერის მოადგილე დაშავდა

30-07-2018

გომბორის გზაზე ავტოსაგზაო შემთხვევის შედეგად 6 ადამიანი დაშავდა. 

მათ შორის 3 ბავშვია. ინციდენტისას ასევე დაშავდა ერთი უცხოელი და ლაგოდეხის მუნიციპალიტეტის მერის მოადგილე ალექსი ჭანკოტაძე.

დაშავებულების მდგომარეობა დამაკმაყოფილებელია.

„სასწრაფო დახმარების მანქანამ გადმოგვიყვანა 6 ავადმყოფი. აქედან არის სამი ბავშვი. ორი მამაკაცი და ერთი ქალბატონი. ერთ მამაკაცს, უცხოელს აღენიშნება გულმკერდის დახურული ტრამვა. მდგომარეობა სტაბილურია“- განაცხადა ექიმმა.