კოჯრის სამხედრო ნაწილში ფიზიკური დაპირისპირების დროს დაჭრილი ორი ჯარისკაცის ჯანმრთელობის მდგომარეობა სტაბილურია.
ექიმის განცხადებით, პაციენტებს ჭრილობა მუცლისა და გულ-მკერდის არეში ჰქონდათ მიყენებული.

„იყო მუცლის შემავალი ჭრილობა, რომელიც გადავიდა საოპერაციო ბლოკში. ამ ეტაპზე ოპერაცია დასრულებულია და პაციენტის მდგომარეობა სტაბილურია. ორი პაციენტი შემოვიდა თვითდინებით, ერთს აღენიშნებოდა ყურის მცირე ზომის ჭრილობა და მეორეს თავის სკალპის მიდამოებში ჰქონდა ჭრილობა. ცეცხლსასროლი არ არის, სავარაუდოდ ცივი იარაღია,"-აცხადებს ექიმი უჩა ციხიშვილი.
შეგახსენებთ, რომ შემთხვევა გუშინ ღამით მოხდა. არსებული ინფორმაციით, ფიზიკურ დაპირისპირებას წინ სიტყვიერი უძღოდა.