სამართლიანად ჩატარდა თუ არა არჩევნები
ახალ სიმაღლეებს იპყრობენ - გაურკვეველი მიზნებისთვის ახალგაზრდებში არეულობის პირდაპირი პროპაგანდა მიდის - გიორგი ჩაკვეტაძე ზურა ჯაფარიძის ტრენინგზე
8-05-2023
„ახალ სიმაღლეებს იპყრობენ - გაურკვეველი მიზნებისთვის არასრულწლოვანებსა და ახალგაზრდებში არეულობისა და რევოლუციის პირდაპირი პროპაგანდა მიდის,“ - ამის შესახებ თბილისის საკრებულოს სპორტისა და ახალგაზრდულ საქმეთა კომისიის თავმჯდომარე გიორგი ჩაკვეტაძე სოციალურ ქსელში წერს.
„ზურა გირჩი ჯაფარიძე: „იარაღთან მოპყრობის კურსი ხშირად არის ჩვენი ბანაკების პროგრამის ნაწილი“.
თითი თითზე რომ არ დაუდიათ საქართველოს ევროინტეგრაციის გზაზე და პროცესის საბოტაჟს რომ ეწევიან, ეს ყველამ ვიცით. ქართულ ტრადიციებს რომ აკნინებენ, ესეც ნაცნობი ამბავია. ჩვენ გმირ სამხედროებს რომ რუსული ჯარი დაუძახეს, ესეც ვნახეთ. ახლა კი, ახალ სიმაღლეებს იპყრობენ - გაურკვეველი მიზნებისთვის არასრულწლოვანებსა და ახალგაზრდებში არეულობისა და რევოლუციის პირდაპირი პროპაგანდა მიდის.
მიუღებელია ისიც, რომ ამ ტიპის შეკრებებს საერთაშორისო დაფინანსება აქვს. ახალგაზრდული ბანაკი ახალგაზრდებთან კომუნიკაციის ძალიან მნიშვნელოვანი საშუალებაა. მაგრამ ის, რასაც ეს პოლიტიკური ჯგუფი ამ ფორმით ატარებს ახალგაზრდული ბანაკის გარდა ყველაფერია. ბევრს პირადად ვიცნობ, ვინც ამ ორგანიზაციაშია. მეგობრებო, მოგიწოდებთ კარგად დაფიქრდეთ, სანამ ამ ტიპის „ახალგაზრდულ ბანაკში“ მიიღებთ მონაწილეობას. „სისხლიანი რევოლუცია“ და „სისტემის პარალიზება“ წარსულს დიდი ხანია ჩაბარდა“, - წერს ჩაკვეტაძე.
