გორში 25 წლის მამაკაცი დაჭრეს

7-08-2018

გორის მუნიციპალიტეტის სოფელ ფხვენისში 25 წლის მამაკაცი დაჭრეს.

არსებული ინფორმაციით, მამაკაცს თანასოფლელმა სანადირო თოფიდან ესროლა.

დაშავებული საავადმყოფოში გადაიყვანეს.

როგორც ექიმი აცხადებს,  მისი მდგომარეობა მძიმეა.

„იყო ცეცხლნასროლი ჭრილობა, გამჭოლი. მუცლის ღრუში შემავალი. მუცლის ღრუს ორგანოების მრავლობითი დაზიანებებით, იმყოფება მართვის სუნთქვაზე. მდგომარეობა მძიმე რჩება“- განაცხადა ექიმმა.

მომხდარზე გამოძიება განზრახ მკვლელობის მცდელობის მუხლით მიმდინარეობს.