დავით ქართველიშვილი: „სოხუმი და ცხინვალი - „რუსული პროექტი!“ - დაიწყეს უკვე აგენტოკრატების ადგილობრივმა ლაქიებმა თავისი მზაკვრული „ტიკ-ტოკ“ პროპაგანდა

22-05-2023

„რუსული პროექტი“… „სოხუმი და ცხინვალი - „რუსული პროექტი!“ - დაიწყეს უკვე აგენტოკრატების ადგილობრივმა ლაქიებმა თავიანთი მზაკვრული „ტიკ-ტოკ“ პროპაგანდა - კარგად ჩასწვდით წაკითხვის შემდეგ ამ კლიპს! ფინალში კი იძულებულია „სპიკერი“ ჯერ კიდევ აღიაროს, რომ აფხაზეთი საქართველოა. ამას არ იტყვის და „ქვებით ჩაქოლვას“ ვერ გადაურჩება. მაგრამ მანამდე მოუსმინეთ: ასეთი აფხაზეთის დაბრუნება გვსურს? მშვიდობით? ომით არა? ვაპატიოთ? არ გადავუაროთ? რა, ამის უფლება არა გვაქვს? რა, აფხაზეთი საქართველო არაა?!“ - ამის შესახებ „ხალხის ძალის“ წევრმა, დავით ქართველიშვილმა, სოციალურ ქსელში დაწერა.

მისი თქმით, სხვა უამრავ პროვოკაციასთან ერთად აგენტოკრატების ადგილობრივმა ლაქიებმა უკვე დაიწყეს სოხუმისა და ცხინვალის დაბრუნების გეგმის რუსულ პროექტად შერაცხვა.

„დევიდ კრამერის გუშინდელ განცხადებას, რა თქმა უნდა, „შემთხვევითი“ ხასიათი არ ჰქონდა. რაც რუსეთიდან გამომდინარეობს, ფრენები, უვიზო რეჟიმი - ეს ყველაფერი პროვოკაციაა თურმე. არ თქვა კრამერმა, მაგრამ იგულისხმა: ხვალ რუსეთმა თუ წამოიწყოს საქართველოსთან (სააკაშვილის რეჟიმის მიერ ინსპირირებული) დაშვებული შეცდომის გამოსწორება, ჩვენი ქვეყნის ტერიტორიული მთლიანობის აღდგენის კუთხით, ესეც პროვოკაცია იქნებაო! პროვოკაცია იქნება ქართული ძირძველი მიწიდან რუსული ჩექმის გაყვანის პროცესის დაწყება!

პროვოკაცია იქნება სოხუმისა და ცხინვალის ქართულ იურისდიქციაში დაბრუნება! პროვოკაცია იქნება აფხაზ და ოს ძმებთან ურთირთპატიების ნიადაგზე ერთიან, ლამაზ და განუმეორებელ საქართველოში მშვიდობიანი თანაცხოვრების რეანიმირება! როგორც ჩანს, იმაზე უფრო ახლოს ვართ ისტორიული სამართლიანობის აღდგენასთან, ვიდრე ამას წარმოვიდგენდით. წინააღმდეგ შემთხვევაში სატანის ეს ჭინკები ასე არ გააქტიურდებოდნენ. როგორ „აეწვათ“ ლუციფერის ნაშიერებს ჩვენი ეს ნანატრი პერსპექტივა! ხელიდან ეცლებათ ამ მიწიერი სამოთხის ზომბირებული ბიომასით დასახლებულ უდაბნოდ გადაქცევის მრავალწლიანი გეგმა! „რუსული პროექტი“… სოხუმი და ცხინვალი - „რუსული პროექტი“!

დაიწყეს უკვე აგენტოკრატების ადგილობრივმა ლაქიებმა თავიანთი მზაკვრული „ტიკ-ტოკ“ პროპაგანდა - კარგად ჩასწვდით წაკითხვის შემდეგ ამ კლიპს! ფინალში კი იძულებულია „სპიკერი“ ჯერ კიდევ აღიაროს, რომ აფხაზეთი საქართველოა. ამას არ იტყვის და „ქვებით ჩაქოლვას“ ვერ გადაურჩება. მაგრამ მანამდე მოუსმინეთ: ასეთი აფხაზეთის დაბრუნება გვსურს? მშვიდობით? ომით არა? ვაპატიოთ? არ გადავუაროთ? რა, ამის უფლება არა გვაქვს? რა, აფხაზეთი საქართველო არაა?!

პროგნოზირებადები ხართ, მითქვამს, და პრიმიტიულებიც. ხვალ სამების საკათედრო ტაძარში და მის მიმდებარე ტერიტორიაზე საფუძველი ეყრება ქართველების, აფხაზებისა და ოსების ურთიერთპატიებასა და ერთიან ოჯახში თანაცხოვრებას. ამ ერთიან ოჯახს ღვთისმშობლის წილხვდომილი იბერია ჰქვია! წლებია, ვერ გამიშიფრავს უწმინდესის 2002 წელს ზუგდიდში, „კომბინატის“ დასახლებაში, ლტოლვილებთან შეხვედრის დროს ნათქვამი სიტყვები: „ისე არ დავტოვებ წუთისოფელს, სოხუმის საკათედრო ტაძარში წირვა რომ არ ჩავატარო“.

ამის შემდეგ, უწმინდესის მიერ შექმნილმა გალობამაც ეჭვებში ჩამაგდო: „დავიღალე, წამიყვანე, მოდი ჩემთან, უფალო!“- თურმე, რა დროს დაღლაა! დღეს უკიდურეს ფიზიკურ უძლურებაში მყოფი უწმინდესი პირიქით, მისი ამ წინასწარმეტყველების აღსრულებაში უფრო მარწმუნებს. მას სულიწმიდა ასაზრდოებს იმისთვის, რის გარეშეც ამ წუთისოფლის დატოვება არ სურს! ხვალ თბილისში, სამების საკათედრო ტაძრის კომპლექსში, ამ ნატვრის აღსრულებას საფუძველი ჩაეყრება…

P.S.: კლიპს კი უყურეთ, არ დაიზაროთ“ - წერს დავით ქართველიშვილი.