Le Figaro: Gen Z თაობის ყოველი მე-5 წარმომადგენელი თავს LGBT+ თემის წარმომადგენლად აიდენტიფიცირებს

6-06-2023

Ipsos-ის კვლევის მიხედვით, რომელიც 30 ქვეყანაში ჩატარდა, საშუალოდ მოსახლეობის 9% აცხადებს, რომ თავს ქვიარად აიდენტიფიცირებს. ამის შესახებ Le Figaro წერს.

ივნისის თვე ლგბტ ადამიანების სიამაყის თვედ არის გამოცხადებული და გამოკითხვა სწორედ ამასთან დაკავშირებით ჩატარდა.

სიის სათავეში ბრაზილიაა, სადაც ლგბტ+ თემის წარმომადგენლად თავს გამოკითხულთა 15% აიდენტიფიცირებს. მეორე ადგილზეა ესპანეთი (14%), მესამეზე კი შვეიცარია (13%). ამასთან, გამოცემის ცნობით, საფრანგეთში Gen Z თაობაში ეს მაჩვენებელი 22%-ს აღწევს.