ოზურგეთში N1 საჯარო სკოლის რეაბილიტაცია იწყება

16-08-2018

ოზურგეთში N1 საჯარო სკოლას რეაბილიტაცია ჩაუტარდება. აღნიშნულ საკითხთან დაკავშირებით საპარლამენტო უმრავლესობის ლიდერი არჩილ თალაკვაძე, განათლების, მეცნიერების, კულტურის და სპორტის მინისტრის მოადგილე, თემურ მურღულია და გურიის გუბერნატორი, მერაბ ჭანუყვაძე სკოლაში იმყოფებოდნენ.

,,ეს სკოლა 150 წელზე მეტია ემსახურება ეროვნულ საქმეს, ემსახურება ქვეყანას. დღეს სკოლას საფუძვლიანი განახლება სჭირდება და ჩვენც მოვედით ამ საქმის დასაწყებად. მოსწავლეებს განათლების მიღების და ცხოვრების ჯანსაღი წესისთვის სათანადო პირობები უნდა ჰქონდეთ’’- აცხადებს თალაკვაძე.

სკოლის რეაბილიტაციისთვის პროექტი მიმდინარე წლის სექტემბრამდე მომზადდება.