გამოკითხვა
სამართლიანად ჩატარდა თუ არა არჩევნები

სხვა გამოკითხვები

არქივი

«    ივლისი 2025    »
 123456
78910111213
14151617181920
21222324252627
28293031 

შალვა პაპუაშვილი: ჩვენ დღემდე არ გვაქვს პასუხი კითხვაზე, თუ რატომ არ მიენიჭა საქართველოს გასულ წელს კანდიდატის სტატუსი, სინამდვილეში ეს პასუხი არ არსებობს

9-06-2023

ჩვენ დღემდე არ გვაქვს პასუხი კითხვაზე, თუ რატომ არ მიენიჭა საქართველოს გასულ წელს კანდიდატის სტატუსი, სინამდვილეში ეს პასუხი არ არსებობს, - ამის შესახებ საქართველოს პარლამენტის თავმჯდომარემ, შალვა პაპუაშვილმა განაცხადა.


მისი თქმით, დამსახურებაზე დაყრდნობით გადაწყვეტილების მიღების შემთხვევაში, საქართველოს კანდიდატის სტატუსი უნდა მინიჭებოდა.


„ჩვენ დღემდე არ გვაქვს პასუხი კითხვაზე, თუ რატომ არ მიენიჭა საქართველოს გასულ წელს კანდიდატის სტატუსი, სინამდვილეში ეს პასუხი არ არსებობს. პირიქით, გვაქვს პასუხი ევროკომისიიდან, რომ ობიექტური კრიტერიუმებით, დამსახურების პრინციპით, რომელსაც ხშირად აჟღერებს ევროკავშირის სხვადასხვა ინსტიტუცია, ანუ, თუ დამსახურებაზე დაყრდნობით იქნებოდა მიღებული გადაწყვეტილება, მაშინ საქართველოს უნდა მინიჭებოდა კანდიდატის სტატუსი. როდესაც დედაქალაქებში და ევროპულ ინსტიტუციებში ვკითხულობთ, რამ განაპირობა საქართველოსთვის კანდიდატის სტატუსზე უარი, პასუხი სხვადასხვაა. ეს პასუხები ერთმანეთისგან რადიკალურად განსხვავებულია. ეს აჩვენებს, რომ ამ თემაზე ობიექტური პასუხი არ არსებობს. იყო პოლიტიკური გადაწყვეტილება და რთულია თქვა, რას დაეფუძნა“, - აღნიშნა შალვა პაპუაშვილმა.