საჩხერეში ლეღვის ნახარშით 12 წლის გოგონამ მეორე ხარისზის დამწვრობა მიიღო

22-08-2018

საჩხერეში ლეღვის ნახარშით 12 წლის გოგონამ მეორე ხარისხის დამწვრობა მიიღო. გოგონა თბილისში დამწვრობის ცენტრში გუშინ ღამით მოათავსეს. დამწვრობის ცენტრის ქირურგის ლიკა გეგუჩაძის განცხადებით, პაციენტს ლეღვის ნახარშისგან სხეულის მესამედზე მეტი აქვს დამწვარი. 
"პაციენტი საჩხერის კლინიკიდან გუშინ ღამით, დაახლოებით 11:30-ზე გადმოიყვანეს. ბავშვმა ქიმიური დამწვრობა მიიღო ლეღვის ნახარშის სხეულზე წასმის შედეგად. ოდნავ მეტი რომ ყოფილიყო, პაციენტი რეანიმაციულ ჰანყოფილებაში მოხვდებოდა. კონკრეტულად დაზიანებულია სხეულის წინა ნახევარი, გულ-მკერდი, მუცელი, ქვედა და ზედა კიდურები, 40%, ფაქტობრიად, სხეულის მესამედზე მეტი დამწვარია,"-განაცხადა გეგუჩაძემ. 
ექიმები მოსახლეობას აფრთხილებენ, რუჯის მისაღებად ეს მეთოდი არ გამოიყენონ.