ონის მერი საქართველოს ჭიდაობის ეროვნული ფედერაციის პრეზიდენტს შეხვდა

25-07-2023

ონის მუნიციპალიტეტის მერი - სერგი ხიდეშელი საქართველოს ჭიდაობის ეროვნული ფედერაციის პრეზიდენტს - გეგა გეგეშიძეს შეხვდა.

ხელმძღვანელი პირები ქალაქ ონში გამართულ ოლიმპიური და მსოფლიოს ორგზის ჩემპიონის - დავით გობეჯიშვილის სახელობის რესპუბლიკურ ტურნირს დაესწრნენ.

ვიზიტის ფარგლებში, მუნიციპალიტეტის მერმა, ოლიმპიურ და მსოფლიოს ორგზის ჩემპიონ - დავით გობეჯიშვილთან ერთად, ფედერაციის პრეზიდენტს ქალაქის ცენტრში, ბეერშევას სახელობის პარკში, მიმდინარე ინფრასტრუქტურული პროექტი გააცნო, რომელიც დასკვნით ეტაპზეა.

შეხვედრაზე გეგა გეგეშიძემ მუნიციპალიტეტის მერს მადლობა გადაუხადა სპორტის ამ სახეობის მხარდაჭერისთვის და აღნიშნა, რომ - არსებული საჭიდაო დარბაზი, სრულად აკმაყოფილებს მაღალი დონის ტურნირის ჩატარებისთვის საჭირო მოთხოვნებს.

შეხვედრის დასასრულს მუნიციპალიტეტის მერმა, ჭიდაობის ეროვნული ფედერაციის წარმომადგენლებს მადლობა გადაუხადა სტუმრობისთვის და განაცხადა, რომ სპორტზე ზრუნვა და მისი განვითარება იყო და კვლავაც რჩება ჩვენს პრიორიტეტად. საუბრისას სერგი ხიდეშელმა ხაზი გაუსვა, ეროვნულ და საერთაშორისო დონის ტურნირებზე ონელი ახალგაზრდების მიღწევებს, რომელიც დადებით გავლენას ახდენს სპორტის ამ სახეობაში მოვარჯიშე სასპორტო სკოლის აღსაზრდელებზე.