“პირზე ხელი ააფარა და მიტოვებულ შენობაში შეიყვანა”- გორში არასრულწლოვანი გაძარცვეს

29-08-2018

გორის მინიციპალიტეტის სოფელ ქვახვრელში არასრულწლოვანი გაძარცვეს. შემთხვევა გუშინ, გვიან ღამით მოხდა. როგორც “ნიუპოსტს” ადგილობრივები უყვებიან, დაუდგენელმა პირმა მოზარდი, რომელიც მარტო სეირნობდა, მიტოვებულ შენობაში შეათრია და კუთვნილი მობილური ტელეფონი წაართვა. ბოროტმოქმედს ამ დრომდე ეძებენ.

,,მარტო მიდიოდა ბავშვებთან სასეირნოთ და როგორც გავიგეთ პირზე აუფარებია ხელი და მიტოვებულ შენობაში შეუყვანია რამდენიმე წუთის შემდეგ წიოკის ხმა გავიგეთ მოზარდი შველას ითხოვდა პოლიცია მოვიდა და და როგორც ვიცით ეხლაც ეძებენ იმ პიროვნებას“- აცხადებს ქვახვრელის მკვიდრი.

დაზარალებული ბიჭი სამართალდამცავებმა უკვე გამოკითხეს.

ფაქტს ადასტურებენ შს სამინისტროშიც. უწყების ინფორმაციით, ფაქტთან დაკავშირებით გამოძიება სისხლის სამართლის კოდექსის 178-ე მუხლის მეორე ნაწილით დაიწყო, რაც ძარცვას გულისხმობს.

"თრიალეთი"