თრუსოს ხეობიდან გატაცებული ახალგაზრდები გაათავისუფლეს

30-08-2018

თრუსოს ხეობიდან გაუჩინარებული ხუთი ახალგაზრდა ცხინვალის ე.წ. იზოლატორიდან გაათავისუფლეს. 

ერგნეთთან მათ ახლობლები დახვდნენ.

არსებული ინფორმაციით, საქართველოს დაკავებული მოქალაქეების სასამართლო პროცესი გუშინ გაიმართა.

შეგახსენებთ, რომ ახალგაზრდები, რომლებიც სალაშქროდ იმყოფებოდნენ, თრუსოს ხეობიდან ორი დღის წინ გაუჩინარდნენ. ისინი საოკუპაციო რეჟიმის წარმომადგენლებმა ე.წ. საზღვრის უკანონო გადაკვეთის ბრალდებით დააკავეს.