ცედანის ტყეში ხანძარი ლოკალიზებულია

31-08-2018

ხაშურის მუნიციპალიტეტის, სოფელ ცედანში ტყის ხანძარი ლოკალიზებულია.
შიდა ქართლის სახელმწიფო რწმუნებული-გუბერნატორის გიორგი ხოჯევანიშვილის განცხადებით, ამ ეტაპისათვის ხანძრის გავრცელების საშიშროება აღარ არსებობს.

მისივე თქმით, ამჟამად ადგილზე ცეცხლის სალიკვიდაციო სამუშაოები მიმდინარეობს.

"ამ დროისთვის ხანძარი ლოკალიზებულია. შემოფარგლულია სრულად და მინიმუმამდეა დაყვანილი ხანძრის გავრცელების საფრთხე. მიმდინარეობს აქტიური სალიკვიდაციო სამუშაოები, ტემპი არ დავარდება, გაგრძელდება აქტიური ჩართულობა და სხვადასხვა უწყების წარმომადგენლების ერთობლივი ძალისხმევით იმედია, ხანძრის ლიკვიდაციასაც მალე შევძლებთ"-განაცხადა ხოჯევანიშვილმა.

ცედანის მიმდებარე ტერიტორიაზე ხანძარი 29 აგვისტოს გაჩნდა.

დამწვარია 10 ჰექტარი მიწის ფართობი.