გიორგი მარგველაშვილი: ამ არჩევნებში მონაწილეობის მიღებას აღარ ვაპირებ

31-08-2018

საქართველოს პრეზიდენტი, გიორგი მარგველაშვილი ოქტომბრის არჩევნებში მონაწილეობას არ მიიღებს.
ამის შესახებ მან ცოტა ხნის წინ პრეზიდენტის სასახლეში განაცხადა, სადაც ლატვიის ყოფილ პრეზიდენტთან ერთად სტუდენტებს ხვდება.

"ჩემთვის ნიშანდობლივი და მნიშვნელოვანია, რომ ეს შეხვედრა, ანგარიშის ჩაბარება და მომავალზე საუბარი იყოს სწორედ რიგით მოქალაქეებთან, ახალგაზრდობასთან იმიტომ, რომ როგორც პრეზიდენტობის 5 წლის განმავლობაში, ასევე მანამდეც და მომავალშიც ჩვენი სამსახური იქნება საქართველოს სამხური. არ ყოფილა მომენტი, რომ მე სხვა ელიტას ან ვინმე სხვა ჯგუფს ვემსახურებოდე, იწყებოდა თქვენგან, საქართველოს მოქალქაქებიდან და გრძელდება საქართველოს მოქალაქეებით. ამ არჩევნებში მე მონაწილეობის მიღებას აღარ ვაპირებ," - აღნიშნა გიორგი მარგველაშვილმა.