დავით ქართველიშვილი საქართველოსთვის კანდიდატის სტატუსის მინიჭებაზე დადებითი რეკომენდაციის გაცემაზე: 76 ასო, 76 ლურსმანი კორპორაციული ნაცსექტის ერთობლივ „კუბოში“

8-11-2023

„ხალხის ძალის“ წევრი, ანალიტიკოსი დავით ქართველიშვილი ევროკომისიის მიერ საქართველოსთვის კანდიდატის სტატუსის მინიჭებაზე დადებითი რეკომენდაციის გაცემას სოციალურ ქსელში ეხმაურება.

როგორც დავით ქართველიშვილი წერს, ეს გადაწყვეტილება რადიკალური ოპოზიციისთვის და არასამთავრობო სექტორისთვის ტრაგიკულია.

„ურსულა ფონ დერ ლაიენი: „საქართველომ უნდა მიიღოს კანდიდატის სტატუსი, რადგან ნამდვილად გადაიდგა ნაბიჯები. გილოცავთ“, – 76 ასო, 76 ლურსმანი კორპორაციული ნაცსექტის, „ფრანკლინის კლუბის“, სალომე ზურაბიშვილის, ელიტარულ „ენჯეოების“, ნინო ლომჯარიას (ეგ - ცალკე) ერთობლივ „კუბოში“, ოღონდ „წესის აგების გარეშე“. ასეთები არ გარდაიცვლებიან, ასეთები - უბრალოდ კვდებიან...“, - წერს დავით ქართველიშვილი.