სამართლიანად ჩატარდა თუ არა არჩევნები
წელს თუშეთში ტურისტების უჩვეულო რაოდენობა ფიქსირდება
20-09-2018
წელს თუშეთში ტურისტების უჩვეულო რაოდენობა ფიქსირდება - ამის შესახებ "აიპრესს" ახმეტის მერის წარმომადგენელმა თუშეთის ადმინისტრაციულ ერთეულში,ლადო კახოიძემ განუცხადა.
მისი თქმით,შემოდგომის სეზონის დაწყების პარალელურად მოიმატა ტურისტების რაოდენობამ.
"შემოდგომა საკმაოდ თბილი გვაქვს, კარგი ამინდებია. წელს ტურისტების განსაკუთრებით დიდი რაოდენობა სტუმრობს თუშეთს. ძირითადად ევროპის ქვეყნებიდან, გერმანიიდან, ისრაელიდან, რუსეთიდან, ამერიკიდანაც ამოდიან.,, - განუცხადა "აიპრესს" კახოიძემ.
თუშეთში ტურისტული სეზონი სავარაუდოდ 20 ოქტომბრისთვის დაიხურება.
"კომპანიას, რომელიც გზების გაწმენდაზეა პასუხისმგებელი,ხელშეკრულება 20 ოქტომბერს ეწურება. მას შემდეგ თოვლის მოსვლის შემთხვევაში კომპანიის წარმომადგენლები აღარ იქნებიან ვალდებულნი, გზა გაწმინდონ.ჯერჯერობით კარგი ამინდებია,მაგრამ ამინდის გაუარესების დროს, უღელტეხილზე უკვე ფიფქავს ხოლმე", - აღნიშნა კახოიძემ.
თუშეთისკენ მიმავალი საავტომობილო გზა ოქტომბრის ბოლოს რამდენიმე თვით, სავარაუდოდ მაისამდე დაიკეტება.
