პრესის მიმოხილვა
გამოკითხვა
სამართლიანად ჩატარდა თუ არა არჩევნები
ჯუანშერ ბურჭულაძე მოსახლეობას საქართველოსთვის კანდიდატის სტატუსის მინიჭებას ულოცავს
15-12-2023
საქართველოს თავდაცვის მინისტრი, ჯუანშერ ბურჭულაძე ქვეყნის მოსახლეობას საქართველოსთვის კანდიდატის სტატუსის მინიჭებას ულოცავს.
"საქართველოს ყველა მოქალაქეს და, განსაკუთრებით, თავდაცვის ძალების თითოეულ სამხედრო მოსამსახურეს ვულოცავ საქართველოსთვის კანდიდატის სტატუსის მინიჭებას! ეს არის, მართლაც, ისტორიული მნიშვნელობის მოვლენა და ქვეყნის წინსვლა ევროპული ინტეგრაციის მიმართულებით.
ქართველ სამხედროებს საერთაშორისო, მათ შორის, ევროკავშირის ეგიდით მიმდინარე მისიებში, მნიშვნელოვანი წვლილი აქვთ შეტანილი ევროპული ღირებულებების, მსოფლიო მშვიდობისა და უსაფრთხოების დაცვის საქმეში.
ერთობლივი ძალისხმევით, ჩვენ შევძლებთ კიდევ უფრო ძლიერი, გამთლიანებული და ევროპული ქვეყნის აშენებას!- აცხადებს მინისტრი.
ინტერვიუ
