საჩხერე-ონის ახალი გზა თბილისამდე მგზავრობას 2 საათით შეამცირებს

6-11-2017

რეგიონული განვითარებისა და ინფრასტრუქტურის სამინისტროს საავტომობილო გზების დეპარტამენტმა საჩხერე-ონის დამაკავშირებელი საავტომობილო გზის პირველი 5.7 კილომეტრის მშენებლობაზე ტენდერი გამოაცხადა.

 დოკუმენტაციის მიღების საბოლოო ვადაა 27 ნოემბერი. მოეწყობა  5.7 კილომეტრი სიგრძის მონაკვეთი და ერთი სახიდე გადასასვლელი.  

პროექტის შესყიდვის სავარაუდო ღირებულება 8 710 918 ლარია.

საავტომობილო გზების დეპარტამენტის განცხადებით, საბოლოო ჯამში, საჩხერე-ონის დამაკავშირებელი გზა დაახლოებით, 5 სატენდერო მონაკვეთად დაიყოფა.

 აღნიშნული გზის სიგრძე 50 კილომეტრი იქნება და თბილისიდან ონამდე მგზავრობას 2 საათით შეამცირებს. აღნიშნული საავტომობილო გზის დასრულების თარიღი 2020 წლის ბოლოა.

წყარო: newpress