დავით ქართველიშვილი: დღეს ჩვენს თვალწინ მოქმედებაშია მოყვანილი „სოროსელების ქანქარა", რა დროსაც სახელმწიფოს სრული პარალიზების მიზნით, „სახალხო მღელვარების" ფაზაში უნდა იქნას გადაყვანილი სამთავრობო ნებისმიერი ინსტიტუტის ფუნქციონალური მოღვაწეობა

27-01-2024

„როდესაც ნაცსექტანტების აგენტოკრატები მუდმივად მიგვითითებენ სასამართლო სისტემის „არასრულყოფილებაზე" - ნებისმიერი ინდივიდუალური თუ კოლექტიური უკმაყოფილება უნდა იყოს მხოლოდ და მხოლოდ სასამართლო განსჯის საგანი!“ - წერს სოციალურ ქსელში „ხალხის ძალის“ წევრი დავით ქართველიშვილი და ვრცელი წერილით ეხმიანება რესპუბლიკური საავადმყოფოს ირგვლივ განვითარებულ მოვლენებს. მას პოსტში პარალელი აქვს გავლებული სააკაშვილის მმართველოის პერიოდთან, როცა მაშინდელი ხელისუფლების „მინდას“ ეწირებოდა ადამიანების ინტერესები.

„როდესაც სააკაშვილს სიღნაღში ცენტრალური საბავშვო ბაღის ადგილმდებარეობა მოეწონა, მან დაიკიდა ამ ულამაზესი რაიონული ცენტრის, მისი პატარა ბინადრებისა და მათი მშობლების ინტერესები. გაისმა ისტერიული ბრძანება „მინდა!!!" - ბაგა/ბაღი გააუქმეს და მის ადგილას კეზერაშვილს სასტუმრო ააშენებინეს.

დიახ, ის სასტუმრო, რომელიც რამდენიმე წლის შემდეგ გაწეული „ფასდაუდებელი" სამუშაოს ჩატარების სანაცვლოდ, აგენტ გოგაშვილს გადაუფორმეს. არ მახსოვს მაშინ ქუჩაში გამოსული ადგილობრივი ნაცაქტივისტები, რომლებსაც „ზრდილობის" გამო მაინც გაეპროტესტებინათ ბელადის ეს მორიგი ახირება. დღეს ჩვენს თვალწინ მოქმედებაშია მოყვანილი „სოროსელების ქანქარა", რა დროსაც სახელმწიფოს სრული პარალიზების მიზნით, ტოტალური საბოტაჟის გზით - „სახალხო მღელვარების" ფაზაში უნდა იქნას გადაყვანილი სამთავრობო ნებისმიერი ინსტიტუტის ფუნქციონალური მოღვაწეობა.

ყველას გვახსოვს ნაცაქტივისტების მიერ რეაბილიტაციის შემდგომ ჭავჭავაძის გამზირზე ხელოვნურად შექმნილი საცობები, ამ მიზნებისთვის გამოყოფილი საწვავისა და სხვა დანიშნულების ფინანსები. დიდი ხნით ეს აქციები ვერ გაქაჩეს, მაგრამ მაქსიმალურ მოკლევადიან უარყოფით რეზონანსს მაშინ მიაღწიეს.

დღეს მათ წინაშე თავის მართლებას ან არგუმენტების მოყვანას ამორტიზებული რესპუბლიკური საავადმყოფოს შესახებ სამხარაულის ბიუროს დასკვნების, პერსონალის ფინანსური და დასაქმების შესახებ მთავრობის გარანტიების მოყვანის სახით - წერტილი უნდა დაესვას! როდესაც ნაცსექტანტების აგენტოკრატები მუდმივად მიგვითითებენ სასამართლო სისტემის „არასრულყოფილებაზე" - ნებისმიერი ინდივიდუალური თუ კოლექტიური უკმაყოფილება უნდა იყოს მხოლოდ და მხოლოდ სასამართლო განსჯის საგანი! წინააღმდეგ შემთხვევაში ეს სახელმწიფო დაიშლება ნაცსექტანტებისთვის გაწერილი გეგმებისა და მეთოდოლოგიური ბროშურების თანახმად!“ - წერს Facebook-ზე დავით ქართველიშვილი.