„რაფაელ ჯავახ“ ცენტრში ქართული ენის შემსწავლელი ჯგუფი გაიხსნა

1-10-2018

საქართველოს სახელმწიფო ენის შემსწავლელი ჯგუფის გახსნის მიზნით, საქართველოს სამოციქულო ეკლესიის, ნინოწმინდის „რაფაელ ჯავახ“ საგანმანათლებლო-კულტურულ-ახალგაზრდული ცენტრის ხელმძღვანელის, ჟორა სნხჩიანის ინიციატივით შერიგებისა და სამოქალაქო თანასწორობის საკითხებში საქართველოს სახელმწიფო მინისტრ, ქეთევან ციხელაშვილისა და პარლამენტის წევრ ნინოწმინდა-ახალქალაქის მაჟორიტარ დეპუტატ, ენზელ მკოიანთან შეხვედრა გაიმართა. შეხვედრაზე იმყოფებოდა ნინოწმინდის მუნიციპალიტეტის მერი ანი მოსოიანი, საკრებულოს თავმჯდომარე სუმბატ კიურეღიანი, თანამდებობის სხვა პირები, სამინისტროს წარმომადგენლები, ნინოწმინდის - ზურაბ ჟვანიას სახელობის სასწავლო ცენტრის ხელმძღვანელი ელმირა ქსპოიანი და ქ.ნინოწმინდის წმინდა სარგისის ეკლესიის სასულიერო პირი - არმაშ პოღოსიანი.

შეხვედრა მიზნად ისახავდა, კიდევ ერთი ქართული ენის შემსწავლელი ჯგუფის გახსნას, რომელიც სექტემბრიდან ამოქმედდება და რომელიც მისაწვდომი იქნება ყველა მსურველისთვის.

აღსანიშნავია, რომ შეხვედრის ბოლოს ჰაიოს-ქართლოსის პარკში ქეთევან ციხელაშვილმა და ენზელ მკოიანმა, სხვა თანამდებობის პირებთან ერთად,  ამავე სახელობის ძეგლს პატივი მიაგეს და შეხვედრა ყვავილების მიძღვნით დააგვირგვინეს.