სამართლიანად ჩატარდა თუ არა არჩევნები
აჭარის ტურიზმისა და კურორტების დეპარტამენტის ორგანიზებით გიდების საერთაშორისო კონფერენცია გაიმართა
23-02-2024
აჭარის ტურიზმისა და კურორტების დეპარტამენტის ორგანიზებით გიდების პირველი საერთაშორისო კონფერენცია გაიმართა. კონფერენციის მეორე დღე პანელური სესიით გაიხსნა.
სესიაში „ტურიზმი და მუზეუმები - მუზეუმი როგორც კულტურული მემკვიდრეობისა და ისტორიის საცავი“ სხვა მომხსენებლებთან ერთად აჭარის კულტურული მემკვიდრეობის დაცვის სააგენტოს ხელმძღვანელმა მიიღო მონაწილეობა.
ზაურ ახვლედიანმა ისაუბრა სააგენტოს დაქვემდებარებაში არსებული არქეოლოგიურ-არქიტექტურული კომპლექსების: გონიო-აფსაროსისა და პეტრას ციხის როგორც რეგიონში ყველაზე მიმზიდველი ტურისტული ობიექტების განვითარების მნიშვნელობაზე და აღნიშნა, რომ სააგენტო ამ მიმართულებით მუშაობს როგორც ამ ლოკაციების ინფრასტრუქტურით მოწყობაზე ასევე მათ პოპულარიზაციაზე.
ხაზი გაუსვა ასევე საერთაშორისო გამოცდილების გაზიარების მნიშვნელობას და თანამშრომლობას სხვადასხვა ქვეყნის უნივერსიტეტებთან, სამეცნიერო-კვლევით ცენტრებთან, არქეოლოგიის, ეთნოლოგიის, არქიტექტურის და კონსერვაცია/რესტავრაციის მიმართულებით.
