სამართლიანად ჩატარდა თუ არა არჩევნები
თამთა მეგრელიშვილი „საარჩევნო ცვლილებებზე": აღნიშნული ცვლილება დესტრუქციულ ოპოზიციას მოუსპობს შესაძლებლობას, ეს ცუდი გამოცდილება რადიკალიზმის წახალისებისა და ქვეყნის დაზიანებისათვის გამოიყენონ
25-03-2024
„ხელი მოეწერა „საარჩევნო კოდექსში“ ცვლილების შესახებ კანონს, რომელიც საქართველოს პარლამენტს შესაძლებლობას მისცემს, დაძლიოს "19 აპრილის შეთანხმების" მიერ შექმნილი ჩიხი და აირჩიოს ცესკოს პროფესიული წევრები და თავმჯდომარე.“- წერს „ხალხის ძალის“ წევრი თამთა მეგრელიშვილი „საარჩევნო კოდექსში“ ცვლილებების შესახებ კანონზე.
როგორც მეგრელიშვილი აღნიშნავს, ცვლილება დესტრუქციულ ოპოზიციას მოუსპობს შესაძლებლობას, ეს ცუდი გამოცდილება რადიკალიზმის წახალისებისა და ქვეყნის დაზიანებისათვის გამოიყენონ.
"19 აპრილის შეთანხმების" ანულირების მიუხედავად, მედიატორის დაჟინებული იდეა ხმების 2/3-ით ცესკოს წევრების არჩევა და ოპოზიციონერი პოლიტიკოსის სათადარიგო თავმჯდომარედ განწესება ქართული კანონისათვის არაორგანული აღმოჩნდა და ოპოზიციისთვის არჩევნების შედეგების არაღიარების ღია იარაღად იქცა.
ცესკომ ეს სამართლებრივი ხარვეზი და "ცდა" საკუთარ თავზე თითქმის 3 წლის განმავლობაში ატარა დღეს კი ხელი მოეწერა „საარჩევნო კოდექსში“ ცვლილების შესახებ კანონს, რომელიც საქართველოს პარლამენტს შესაძლებლობას მისცემს, დაძლიოს "19 აპრილის შეთანხმების" მიერ შექმნილი ჩიხი და აირჩიოს ცესკოს პროფესიული წევრები და თავმჯდომარე.
შესაბამისად აღნიშნული ცვლილება დესტრუქციულ ოპოზიციას მოუსპობს შესაძლებლობას, ეს ცუდი გამოცდილება რადიკალიზმის წახალისებისა და ქვეყნის დაზიანებისათვის გამოიყენონ.
ლოგიკურია მოახლოებული არჩევნების წინ ფუჭ ექსპერიმენტებს ხელისუფლება ვერ და არ დაუშვებს.
ქართველმა ხალხმა "ქართულ ოცნებას" ქვეყნის მართვის მანდატი დემოკრატიული ინსტიტუტების გასაძლიერებლად და არა მათ დასაკნინებლად მიანიჭა“-წერს მეგრელიშვილი Facebook-ზე.
