ხაშურის მერმა წარმატებულ პედაგოგებს საჩუქრად პლანშეტები გადასცა

5-10-2018

მასწავლებელთა საერთაშორისო დღესთან დაკავშირებით, ხაშურის მუნიციპალიტეტის მერმა გიორგი გურასპაშვილმა და საკრებულოს თავმჯდომარე მიხეილ ჯანაშვილმა წარმატებულ პედაგოგებს პლანშეტები გადასცეს. ამის შესახებ შიდა ქართლის საინფორმაციო ცენტრს მერიიდან აცნობეს.

პრეს-სამსახურის ცნობით, პლანშეტები სურამის მეორე საჯარო სკოლის ისტორიის პედაგოგმა ჯაბა ლაბაძემ და ხაშურის პირველი საჯარო სკოლის მათემატიკის მასწავლებელმა, ნანა დაბრუნდაშვილმა მიიღეს.

მასწავლებელთა საერთაშორისო დღის აღნიშვნა სათავეს 1994 წლის 5 ოქტომბრიდან იღებს. მასწავლებელთა საერთშორისო დღის დაწესების იდეა რამდენიმე პედაგოგიურ ორგანიზაციას ეკუთვნის. როგორც დამფუძნებლებმა განმარტეს, ამ დღის დაწესება მიზნად მასწავლებლების მხარდაჭერას ისახავს.

qartli.ge