სამართლიანად ჩატარდა თუ არა არჩევნები
დავით ქართველიშვილი: უბრალოდ წარმოიდგინეთ რა დღეში უნდა ჩავარდეს ნაცსექტა ხელისუფლების მხრიდან ამ ფართო სერვისის შემოთავაზებისას, რასაც ქვეყნის დამოუკიდებლობა, სუვერენიტეტი და ღირსება ჰქვია
15-04-2024
„ხალხის ძალის“ წევრი დავით ქართველიშვილი სოციალური ქსელის მეშვეობით ეხმიანება თამარ ჩერგოლეიშვილის განცხადებას ირაკლი კობახიძის მიერ ელჩების მიმართ გაკეთებულ შეთავაზებაზე, რომ გამჭვირვალობის კანონთან დაკავშირებით ღა დისკუსია გაიმართოს.
დავით ქართველიშვილი წერს, რომ რაკი პრემიერ-მინისტრის განცხადება ჩერგოლეიშვილს ასე მტკივნეულად მოხვდა, ესეიგი პროცესები სწორი მიმართულებით მიდის.
„სექტის პროზექტურის მორიგ-სანიტარ ჩერგოლეიშვილს თუ აეწვა, ესე იგი სწორი მიმართულებით ვითარდება ქვეყანა. წარმოიდგინეთ მისი ვირტუალური მდგომარეობა, როდესაც მათი პროზექტურიდან მთავრობაში განხორციელებულ ზარს თან ახლავს ოპერატორის გამაღიზიანებელი ტექსტი: "ვეტინგთან დაკავშირებით - აკრიფეთ ერთი", "ცსკო-სთან” დაკავშირებით - აკრიფეთ ორი, ნაცსექტის გასამართლებასთან დაკავშირებით - აკრიფეთ სამი, სახელმწიფო ღალატის მუხლის დაბრუნების თაობაზე - აკრიფეთ ოთხი, ცილისწამებაზე და დეზინფორმაციაზე კანონის შესახებ - აკრიფეთ ხუთი, ლგბტ-პროპაგანდის კანონზე - აკრიფეთ ექვსი, გამჭვირვალობის კანონის შესახებ - აკრიფეთ შვიდი, ჟენევის ფორმატის ბელგრადსა ან ბაქოში გადატანის თაობაზე - აკრიფეთ რვა, ხელისუფლების რეიტინგების შესახებ - აკრიფეთ ცხრა, ოპოზიციის რეიტინგებთან დაკავშირებით - აკრიფეთ ნული. სხვა დანარჩენ შემთხვევაში - გაეცანით პრემიერ-მინისტრ ირაკლი კობახიძის უკანასკნელ განცხადებას ტონალურ რეჟიმში".
უბრალოდ წარმოიდგინეთ რა დღეში უნდა ჩავარდეს ნაცსექტა თავისი მორიგე სანიტრებით, ხელისუფლების მხრიდან ამ ფართო სერვისის შემოთავაზებისას, რასაც ქვეყნის დამოუკიდებლობა, სუვერენიტეტი და ღირსება ჰქვია. ახლა კი გაეცანით ჩერგოლეიშვილის პირველ რეაქციას კობახიძის უკანასკნელ განცხადებაზე: "ეს ყანა ნახეთ - რაღაც ახალ ჯაგურ სიტყვას ამბობს საერთაშორისო პოლიტიკაში, ელჩებს შიდა პოლიტიკაზე დებატებში იწვევს ბანანი. ბიძინას იდეა მგონია". ძალიან აეწვათ, ძალიან! Быдло-ს ლექსიკაზე რომ გადადიხარ - ამაში ძალიან კარგად ჩანს. ყველაფერი იმდენად კარგად და იმდენად დაჩქარებულად იქნება, ვიდრე ეს წარმომიდგენია“ - წერს ქართველიშვილი.
