დავით ქართველიშვილი იაგო ხვიჩიას: თქვენს კითხვაზე - "ვის იმედად რჩება საქართველო?" ვპასუხობ - ღმერთის, სამშობლოს, ქართველობის!!!

15-04-2024

„გადახედეთ ჩვენი ქვეყნის ისტორიას! კუბილიუსის წინაპართა იმედად ვიყავით, რამაც აქამდე მოიყვანა საქართველო?" - წერს სოციალურ ქსელში „ხალხის ძალის“ წევრი დავით ქართველიშვილი და ამით ოპოზიციონერ ია ხვიჩიას პასუხობს, რომელიც თავის მხრივ კითხულობს - ვის იმედად რჩება საქართველო, თუ არ ხდება ევროპელი პარტნიორების აზრის გათვალისწინება.

„იაგო ხვიჩიას შეკითხვას ჩემი მოკრძალებული პასუხი: "შოლცის, კრამერის, კუბილიუსის, ფონ კრამონის პოზიციის გაუთვალისწინებლობით - ვის იმედად რჩება საქართველო?" - ღმერთის, სამშობლოს, ქართველობის!!! გადახედეთ ჩვენი ქვეყნის ისტორიას! კუბილიუსის წინაპართა იმედად ვიყავით, რამაც აქამდე მოიყვანა საქართველო? რამაც ქართველთა მჩაგვრელი მონღოლთა, არაბთა, სპარსელთა, ოსმალთა, ბიზანტიელთა თუ ორგზის რუსების იმპერია გააქრო დედამიწის ზურგიდან, ხოლო ჩვენ ვიყავით, ვართ და ვიქნებით? ღმერთი, ბატონო იაგო! ღმერთი ჰქვია იმას, ვის იმედადაც ვართ! არა რუსულ ღმერთს? აბა თქვენ იცით!“ - წერს დავით ქართველიშვილი.