"არმიელებმა" გორის "გორთან" შეხვედრა გამარჯვებით დაასრულეს

16-04-2024

გორის სარაგბო სტადიონზე გამართულ მატჩში, თბილისის "არმიამ", საქართველოს ჩემპიონატის მეოთხედფინალში გორის "გორთან" შეხვედრაში, ანგარიშით 22-19 გაიმარჯვა. შემდეგ თამაშს, "არმია," წყალტუბოს - "დინოზავრებთან" 20 აპრილს, ქალაქ ქუთაისში გამართავს.

"არმიის" თამაშს, ვეტერანების საქმეთა სახელმწიფო სამსახურის დირექტორის პირველი მოადგილე, ნიკოლოზ კვეზერელი, მოადგილეები - მირონ ჩიგოგიძე, ჯანდრი უბირია, დირექტორის მრჩეველი ვლადიმერ იმნაძე, სამსახურის რეგიონული მართვის დეპარტამენტის უფროსი, ლევან ამირიძე და სამსახურის წარმომადგენლები დაესწრნენ.

ვეტერანების საქმეთა სახელმწიფო სამსახური ულოცავს "არმიელებს" გამარჯვებას და წარმატებებს უსურვებს.

შეგახსენებთ, რაგბის კლუბი „არმია," ვეტერანების საქმეთა სახელმწიფო სამსახურს, მმართველობაში, 2019 წელს გადმოეცა; 2022 წლის 18 იანვარს კი, თავდაცვის სამინისტრო, კლუბის თანადამფუძნებელი გახდა, რაც, „არმიელებისთვის" მოტივაციის ასამაღლებლად და მათ წინაშე მდგარი გამოწვევების დასაძლევად, კიდევ ერთი, მნიშვნელოვანი პირობაა.