ნინო ფოჩხუა „გამჭვირვალობის კანონის” საწინააღმდეგო აქციაზე: ეს უკვე ღიად ლგბტ აქციაა, ეს არის მარაზმი, დაცინვა და უპატივისცემლობა საკუთარი მოქალაქეების

21-04-2024

ექსპერტი ნინო ფოჩხუა “უცხოური გავლენის გამჭვირვალობის შესახებ” კანონპროექტის წინააღმდეგ გამართულ აქციებს ეხმიანება და სოციალურ ქსელში აქვეყნებს აქციის მონაწილეების საპროტესტო ბანერებს და აღნიშნავს, რომ ეს ღიად ლგბტ აქციაა.

„ეს უკვე ღიად ლგბტ აქციაა! ყველა ადამიანს აქვს უფლება იცხოვროს ისე როგორც სურს, ამაზე არ ვდავობთ. ბევრ ლგბტ ადამიანს ვიცნობ, რომლებსაც ვერც დაეტოლება ზოგიერთი ჰეტერო ადამიანი. ცხოვრობენ მშვიდად, შრომობენ და არასდროს არ გახვევენ თავს თავის პირად ცხოვრებას. მიყვარს ეს ადამიანები. ამ აქციის მონაწილეებმა თუ იციან, რომ ის ადამიანები, ვინც ვახსენე, გმობენ ასეთ ქცევას, რაც დღეს ხდება აქციაზე. ეს არის მარაზმი, დაცინვა და უპატივისცემლობა საკუთარი მოქალაქეების. აი ამას კრძალავს ახალი კანონი, პროპაგანდას და ჩვენი ქვეყნის მენტალობისთვის მიუღებელ ქცევას, თორემ ადამიანთა უფლებების დაცვა ეხლა რომ არის ამ მმართველი გუნდის ხელში, არასდროს ყოფილა. თვითონ მომიტინგეები ამბობენ, (მე არ ვიცი, შეიძლება წამოცდენაა) რომ არც ცენზურა არსებობს და სრულ თავისუფლებაში არიან. მინდა გაიხსენონ და დაიმახსოვრონ ამ აქციების ორგანიზატორებმა, არასდროს არც ადრე და არც ეხლა ვინც იკადრა და დაცინა თავისი ქვეყნის საზოგადოებას, ვერასდროს მიუღწევია მიზნისთვის“, - წერს ნინო ფოჩხუა.