სამართლიანად ჩატარდა თუ არა არჩევნები
მიხეილ ყაველაშვილი: ასეთი მაღალი დონის სტადიონის მშენებლობის დაწყება მნიშვნელოვანია არა მხოლოდ სპორტისთვის, არამედ - მთლიანად ქვეყნის წარმოჩენისთვის
23-04-2024
„ხალხის ძალის“ პოლიტიკურმა მდივანმა, დეპუტატმა მიხეილ ყაველაშვილმა მედიასთან პრემიერ-მინისტრ ირაკლი კობახიძის ის განცხადება შეაფასა, რომლის მიხედვითაც გადაწყვეტილია თანამედროვე, 70-ათასიანი საფეხბურთო არენის მშენებლობა.
მიხეილ ყაველაშვილის თქმით, ასეთი მაღალი დონის სტადიონის მშენებლობის დაწყება მნიშვნელოვანია არა მხოლოდ სპორტისთვის, არამედ - მთლიანად ქვეყნის წარმოჩენისთვის.
„2012 წელს, როდესაც ხელისუფლება შეიცვალა, მაშინდელმა პრემიერ-მინისტრმა, ბიძინა ივანიშვილმა სპორტის მესვეურებს განუცხადა, რომ ყველაფერს გააკეთებდა იმისათვის, რათა სპორტის სხვადასხვა სახეობაში საქართველოს მასპინძლობა შესძლებოდა და ჩვენს ქვეყანაში მაღალი დონის ტურნირები ჩატარებულიყო.
შესაბამისად, ასეთი მაღალი დონის სტადიონის მშენებლობის დაწყება მნიშვნელოვანია არა მხოლოდ სპორტისთვის, არამედ - მთლიანად ქვეყნის წარმოჩენისთვის“, - განაცხადა მიხეილ ყაველაშვილმა.
