გამოკითხვა
სამართლიანად ჩატარდა თუ არა არჩევნები

სხვა გამოკითხვები

არქივი

«    მარტი 2024    »
 123
45678910
11121314151617
18192021222324
25262728293031

მარნეულში ქართული ღვინის ფესტივალი - „ღვინობისთვე 2018“ გაიმართება

9-10-2018

მარნეულის მუნიციპალიტეტის თვითმმართველობის ორგანიზებით, 12 ოქტომბერს, მარნეულის მუნიციპალიტეტში, როგორც ქართული ვაზისა და ღვინის კულტურის არქეოლოგიურ ცენტრში, ქართული ღვინის დღეების ფარგლებში, ღვინის ფესტივალი - „ღვინობისთვე 2018“ გაიმართება, - ამის შესახებ „ინტერპრესნიუსს“ მარნეულის მუნიციპალიტეტის მერიიდან აცნობეს.


ფესტივალზე მისულ სტუმრებს ქართული ღვინის მწარმოებელი მსხვილი და საშუალო კომპანიები, მცირე და ოჯახური მარნები, საკუთარ პროდუქციას წარუდგენენ. ღონისძიების ფარგლებში მოეწყობა ქართული ღვინის, თაფლისა და ყველის გამოფენა-გაყიდვა.


ქართული ღვინის ფესტივალი მარნეულში დატვირთული იქნება სხვადასხვა აქტივობებით. მოეწყობა საქართველოს ეროვნული მუზეუმის მიერ არქეოლოგიური გათხრების შედეგად მარნეულის ტერიტორიაზე აღმოჩენილი ექსპონატების გამოფენა-პრეზენტაცია არქეოლოგიური მასალის ფოტო-გამოფენა. საზეიმოდ მოხდება საწნახელში ყურძნის დაწურვა, თათარის მოდუღება და ჩურჩხელების ამოვლება. აღსანიშნავია, რომ ღონისძიების ფარგლებში ჩატარდება კონკურსი მეღვინეებს შორის, სადაც პროდუქციას შეაფასებენ მიწვეული სომელიეები და გამარჯვებულს გადაეცემა სიმბოლური საჩუქარი. ასევე მოეწყობა თიხის დამუშავების მასტერკლასებიც.


ღვინის ფესტივალი მარნეულში, კულტურის სახლის მიმდებარე ტერიტორიაზე, 13:00 საათზე დაიწყება და 16:00 საათამდე გასტანს.


ipn.ge