გოგი მეშველიანი ბოლნისში ამომრჩეველს შეხვდა

10-10-2018

საპარლამენტო უმრავლესობის წევრის, გოგი მეშველიანის განცხადებით, მმართველი პარტიისაგან მხარდაჭერილი საპრეზიდენტო კანდიდატის, სალომე ზურაბიშვილის საარჩევნო კამპანია ევროპულ ღირებულებებს ეფუძნება.

ეს განცხადება მან ბოლნისში ამომრჩეველან შეხვედრაზე გააკეთა.

“ჩვენი კანდიდატის მიერ გაცხადებული საარჩევნო კამპანია ევროპულ ღირებულებებს ეფუძნება. მან ჩვენს ოპონენტებს ევროპული საარჩევნო კამპანია შესთავაზა, თუმცა, ჩვენდა სამწუხაროდ, მათ ან ვერ, ან ჩემი ვარაუდით უფრო არ  გაიგეს ეს შეთავაზება და მთელი თავისი საარჩევნო მარათონი ააგეს ე.წ. შავ პიარ-კამპანიაზე, ტალახის სროლაზე და სიბინძურეზე. მე, რა თქმა უნდა, დეტალებში არ შევალ იმიტომ რომ ჩვენი ხალხი, ჩვენი საზოგადოება ბრძენია. მას თავად შეუძლია სიმართლე სიყალბისგან საკმაოდ კარგად გაარჩიოს და რაც მთავარია, მინდა ვთქვა, რომ ჩვენი საზოგადოება  შავბნელ წარსულს არასდროს დაუბრუნდება. ჩვენმა საზოგადოებამ, ხალხმა კარგად იცის, რომ ვერანაირი ნიღაბი, ვერანაირი დანაწევრება ვერ უშველის იმ ძალას, რომელიც ძალადობრივი ქმედებების შემოქმედი და ავტორი იყო. მე ამის მწამს და ამიტომ ვამბობ თქვენი თანდასწრებით“ - განაცხადა გოგი მეშველიანმა.