სამართლიანად ჩატარდა თუ არა არჩევნები
ირაკლი კობახიძე: 8 თებერვლიდან ასეულობით განკარგულება ქვეყნდება მთავრობის ვებგვერდზე, როდესაც მთავრობის გამჭვირვალობის უმაღლეს სტანდარტს ვნერგავთ, რატომ არ შეიძლება, საზოგადოებისთვის მოვთხოვოთ მინიმალური სტანდარტი NGO-სექტორს
11-05-2024
როდესაც ჩვენ მთავრობის გამჭვირვალობის უმაღლეს სტანდარტს ვნერგავთ, რატომ არ შეიძლება, რომ საზოგადოებისთვის მოვითხოვოთ ამის მინიმალური სტანდარტი, როდესაც საქმე ეხება NGO-სექტორს, - ამის შესახებ საქართველოს პრემიერ-მინისტრმა ირაკლი კობახიძემ საზოგადოებრივ-პოლიტიკური თოქ-შოუების წამყვანებთან შეხვედრაზე გამჭვირვალობის კანონზე საუბრისას განაცხადა.
მთავრობის მეთაურმა აღნიშნა, რომ მთელი პროცესი აჩვენებს, რომ კონკრეტულ ძალებს გამჭვირვალობის რეალურად ეშინიათ.
„არ არის სასიამოვნო გამჭვირვალობა, მაგრამ ჩვენ მთავრობაში დავნერგეთ გამჭვირვალობის უმაღლესი სტანდარტი. ყველა განკარგულება ქვეყნდება, ასეულობით განკარგულება 8 თებერვლიდან მოყოლებული მთავრობის ვებგვერდზე. როდესაც ჩვენ მთავრობის გამჭვირვალობის უმაღლეს სტანდარტს ვნერგავთ, რატომ არ შეიძლება, რომ საზოგადოებისთვის მოვითხოვოთ ამის მინიმალური სტანდარტი, როდესაც საქმე ეხება NGO-სექტორს", - აღნიშნა პრემიერმა.
