შაბათი, აპრილი 05, 2025
გამოკითხვა
სამართლიანად ჩატარდა თუ არა არჩევნები

სხვა გამოკითხვები

არქივი

«    აპრილი 2025    »
 123456
78910111213
14151617181920
21222324252627
282930 

TOP.GE
მალთაყვაში ფეხბურთის მსაჯის ილო ტუღუშის ცხედარი იპოვეს

7-12-2017

ლანჩხუთისა და ფოთის მიმდებარე ტერიტორიაზე, მალთაყვაში, ზღვის პირას მდებარე ნაძვნარში ეროვნული საფეხბურთო ჩემპიონატის მსაჯის, 33 წლის ილო ტუღუშის ცხედარი იპოვეს. გარდაცვლილის ოჯახის წევრების თქმით, ილო ტუღუში მოკლეს. მეუღლე ეკა ტუღუში აცხადებს, რომ მკვლელობა სავარაუდოდ თანხას უკავშირდება.

„სამნი იყვნენ. ფეხბურთში არიან გარეულები. გუშინ აქ მომაკითხეს, რაღაც თანხაზე იყო საუბარი. ეძებდნენ ჩემს ქმარს, არ ვიცი რა მოხდა. 5000 ლარს ითხოვდნენ. მოკლულია ჩემი ქმარი. მე არავის დავინდობ“, - განაცხადა გარდაცვლილის მეუღლემ ჟურნალისტებთან საუბრისას.

„ჩვენთან, სახლში იყვნენ მოსულები, ფედერაციიდან ვართო. ორი ბათუმიდან იყო. არ გაახმიანოთო, გვეუბნებოდნენ. შვილი მომიკლეს, მაგრამ რაზე მომიკლეს, არვიცი“, - ამბობს გარდაცვლილის დედა მანანა ტუღუში.

ილო ტუღუში ოჯახის წევრებთან ერთად ლანჩხუთის მუნიციპალიტეტის სოფელ ჩოჩხათში ცხოვრობდა. მალთაყვა, სადაც ცხედარი ნახეს, საცხოვრებელი ადგილიდან დაახლოებით 15 კილომეტრით არის დაშორებული. ილო ტუღუშს მეუღლე და 3 შვილი დარჩა. ის მსაჯობდა როგორც ეროვნულ მატჩებზე, ასევე მთავარ ლიგაში.

მომხდართან დაკავშირებით გამოძიება სისხლის სამართლის კოდექსის 115-ე მუხლით დაიწყო, რაც თვითმკვლელობამდე მიყვანას გულისხმობს.

წყარო: reginfo.ge