რეგიონული განვითარებისა და ინფრასტრუქტურის სამინისტრო ქუთაისის შემოვლითი გზის ახალი 41,3 კილომეტრიანი ორი ზოლის მშენებლობას იწყებს. ინფორმაციას საავტომობილო გზების დეპარტამენტი ავრცელებს.

პროექტს სრულად დააფინანსებს სახელმწიფო და მისი ბიუჯეტი 200 მილიონ ლარი იქნება. ტენდერი უახლოეს დღეებში გამოცხადდება და კომპანიებს შეთავაზებების წარსადგენად 30-დღიანი ვადა ექნებათ.

საავტომობილო გზების დეპარტამენტის ინფორმაციით, ქუთაისის შემოვლითი არსებული ორზოლიანი გზა 2014 წლის ნოემბერში გაიხსნა და ამ მონაკვეთზე ხშირი ავტოსაგზაო შემთხვევების გამო, გაცალმხრივდება. ახალი პროექტის მიხედვით, ქუთაისის შემოვლითი გზის მონაკვეთზე მოძრაობა ორივე მიმართულებით ცალმხრივი გახდება.