პატრიარქი ბიძინა ივანიშვილს იოანე - ზოსიმეს უნიკალური ხელნაწერის შეძენისა და საქართველოში დაბრუნებისთვის მადლობას უხდის

12-06-2024

სრულიად საქართველოს კათოლიკოს-პატრიარქი ილია მეორე „ქართული ოცნების“ საპატიო თავმჯდომარეს, ბიძინა ივანიშვილს იოანე - ზოსიმეს უნიკალური ხელნაწერის შეძენისა და საქართველოში დაბრუნებისთვის მადლობას უხდის.

„დიდი სიხარული მოგვანიჭა ცნობამ იმის შესახებ, რომ დღეს კრისტის აუქციონზე ქართული მხარის მიერ შეძენილ იქნა პალიმფსესტი, რომელიც მოიცავს, ერთი მხრივ, V-VII სს. არამეულ ენაზე გადაწერილ მასალას, არსებითად ბიბლიურ და ასკეტურ ფრაგმენტებს, რასაც წმინდა წერილის ტექსტის ისტორიის შესწავლის თვალსაზრისით დიდი მნიშვნელობა აქვს; ხოლო, მეორე მხრივ, სინას მთაზე მოღვაწე უდიდესი ლიტურგისტის, იოანე ზოსიმეს მიერ 979 წელს გადაწერილ ლიტურგიკულ ტექსტებს, რომლებიც ქართული საეკლესიო ლიტერატურის ისტორიისთვის უაღრესად ფასეულია.

განსაკუთრებულ მადლობას ვუხდით ბატონ ბიძინა ივანიშვილს, რომელმაც, არაერთ საქვეყნო საქმესთან ერთად, ჩვენი კულტურული საგანძური ამ უმნიშვნელოვანესი ხელნაწერითაც გაამდიდრა.

ღმერთმა დალოცოს მისი ეს უდიდესი საქველმოქმედო ღვაწლი ჩვენი წმინდა ეკლესიისა და სამშობლოს სასიკეთოდ“, - აცხადებს პატრიარქი.