„ხალხის ძალის“ წევრი, ანალიტკოსი დავით ქართველიშვილი რადიო Kossuth-სთვის უნგრეთის პრეზიდენტის, ვიქტორ ორბანის მიერ მიცემული ინტერვიუდან ნაწილებს სოციალურ ქსელში აქვეყნებს.

როგორც დავით ქართველიშვილი წერს, ორბანის განცხადებით, ევროპის რუსეთ-უკრაინის ომში ჩართვის შეჩერება ტრამპს შეუძლია, თუკი ის თეთრ სახლში დაბრუნდება.

„ნატო უკრაინაში სამხედრო მისიას განახორციელებს, რომელშიც უნგრეთი არანაირ მონაწილეობას არ მიიღებს“, - განაცხადა უნგრეთის პრემიერ-მინისტრმა ვიქტორ ორბანმა. ამ განცხადებით მან დაადასტურა სერბეთის პრეზიდენტის, ალექსანდრე ვუჩიჩის ანალოგიური მოსაზრება, რომ გადაწყვეტილება უკრაინის ომში ნატოს პირდაპირი მონაწილეობის შესახებ ფაქტობრივად მიღებულია.

„არის მინიმალური მიზანი, რომელიც მიღწეულია, ევროპული მატარებელი კი ომისკენ მიდის. თუკი ჩვენმა მთავრობამ მხარი დაუჭირა ხალხს ევროპარლამენტის არჩევნებში, მე შემიძლია ჩამოვწიო „სტოპ-სახელური“, მატარებელი გაჩერდება და უნგრელები შეძლებენ ამ მატარებლიდან ჩამოსვლას.“, - განაცხადა ორბანმა რადიო Kossuth-სთვის მიცემულ ინტერვიუში. მისი თქმით, „თუ ვარსკვლავთა განლაგება ხელს შეგვიწყობს, ჩვენ ვეცდებით მემანქანის დარწმუნებას და ამაზე უფრო შორს მატარებელი ვერ წავა“. მანვე კიდევ ერთი მნიშვნელოვანი განცხადება გააკეთა: „ჩვენ მივაღწიეთ მინიმალურ მიზანს. მე შევუთანხმე ნატოს გენერალურ მდივანს ჩვენი პოზიცია, რომ უნგრეთი ჩამოვა ამ მატარებლიდან, რომ უნგრეთი ამ პროცესში არ მიიღებს მონაწილეობას არც იარაღით, არც ფულით და არც - სამხედროებით“. თუმცა, ინტერვიუს ბოლოს ორბანმა ბრძანა: „სამწუხაროდ, შეუძლებელი იყო მემანქანის დარწმუნება. ის ამჟამად თავს ძლიერად გრძნობს და ახლა მხოლოდ აშშ-ის ყოფილი პრეზიდენტი დონალდ ტრამპი თუ შეძლებს „მატარებლის გაჩერებას“, იმ შემთხვევაში, თუ კი ის თეთრ სახლში დაბრუნდება ნოემბრის არჩევნების შედეგების შემდეგ“, - წერს დავით ქართველიშვილი.