საქმიანი ტურიზმის საერთაშორისო ფორუმი „m&i Tbilisi 2024“ დასრულდა

4-07-2024

საქართველოს ტურიზმის ეროვნული ადმინისტრაციის ორგანიზებით თბილისში საქმიანი ტურიზმის საერთაშორისო ფორუმი „m&i Tbilisi 2024“  ჩატარდა.  4 დღის განმავლობაში, ფორუმში ევროპის წამყვანი კომპანიების წარმომადგენლები მონაწილეობდნენ.

ტურიზმის ეროვნული ადმინისტრაციის საკონვენციო და საგამოფენო ბიუროს მიერ ორგანიზებულ ღონისძიებაზე ევროპული კომპანიების წარმომადგენლები  გაეცნენ საქართველოს ტურისტულ ინფრასტრუქტურას,  შეხვდნენადგილობრივი ტურისტული სექტორის წარმომადგენლებს საქმიანი ურთიერთობების დამყარების მიზნით, საქართველოში ღონისძიებების დაკვეთისა და გამართვის პერსპექტივით.

მასშტაბური საერთაშორისო ფორუმის ჩატარების მნიშვნელობაზე საუბრობს ტურიზმის ეროვნული ადმინისტრაციის ხელმძღვანელი მაია ომიაძე.

„ფორუმს 200-მდე მონაწილე ჰყავდა, აქედან 68 უცხოური კომპანიის წარმომადგენელი სპეციალურად საქართველოს ეწვია, რომ გასცნობოდა საქართველოს შესაძლებლობებს და ჩვენ შევძლოთ საქართველომ დაიმკვიდროს ადგილი როგორც მიმართულებამ, სადაც საქმიანი ტურიზმი შეიძლება ძალიან მაღალ დონეზე განვითარდეს. უცხოელებმა დაათვალიერეს ინფრასტრუქტურა, სასტუმროები, მარნები როგორც თბილისში ასევე სხვა ადგილებში, რომ შეეფასებინათ საქართველოს შესაძლებლობა და ქვეყანამ შეძლოს მსოფლიო დონის საერთაშორისო ღონისძიებებს უმასპინძლოს“,-განაცხადა მაია ომიაძემ.

m&i Forum-ის ერთ-ერთი ღონისძიების, m&i Tbilisi-ის ფარგლებში საქართველოს ევროპიდანეწვია 65 პოტენციური დამკვეთი. ასევე, მსოფლიოს სხვადასხვა ქვეყნიდან, ტურიზმის სფეროში მოღვაწე, კერძო სექტორის სერვისის მიმწოდებელი, 60 საერთაშორისო კომპანიის წარმომადგენელი.

m&i Tbilisi-ის ფორუმის ფარგლებში 150-მდე პოტენციურ დამკვეთს და სერვისის მიმწოდებელ კომპანიებს შესაძლებლობა ჰქონდათგასცნობოდნენ დედაქალაქის ტურისტულ ინფრასტრუქტურას და საქმიანი ტურიზმის პოტენციალს.

m&i ფარგლებში 83 სერვისის მიმწოდებელმაადგილობრივმა და საერთაშორისო კომპანიამ, B2B ფორმატში, 40-მდე შეხვედრა გამართა პოტენციურ დამკვეთებთან.

ფორუმის მონაწილე დამკვეთები სამიზნე ბაზრებზე არსებულმსხვილ კომპანიებს წარმოადგენენ, რომლებიც აქტიურად მუშაობენ ღონისძიებების დამკვეთ კლიენტებთან, შემდგომში მასშტაბური ღონისძიებების ორგანიზებისთვის სხვადასხვა ქვეყნისა თუ დანიშნულების ადგილის შეთავაზების მიზნით.