ქართველმა პარამკლავჭიდელებმა გუნდური პირველი ადგილი მოიპოვეს

22-10-2018

მიმდინარე წლის 12-21 ოქტომბერს, ანტალიაში, თურქეთში, მკლავჭიდის მსოფლიო ფედერაციის ორგანიზებით, ჩატარდა მსოფლიო ჩემპიონატი პარამკლავჭიდში, რომელშიც მსოფლიოს 58 ქვეყნის წარმომადგენლები, მათ შორის, ქართველი შშმპ სპორტსმენებიც იღებდნენ მონაწილეობას. საქართველოს ეროვნულ შშმპ ფედერაციას წარმოადგენდნენ ომისა და სამხედრო ძალების ვეტერანები: ზვიად ხაჩიძე, თემურ დადიანი და აბესალომ ბუკია. პირველად ქართული პარამკლავჭიდის ისტორიაში, საქართველოს ნაკრებმა, გუნდური პირველი ადგილი მოიპოვა.

ვულოცავთ ქართველ სპორტსმენებს და საქართველოს შშმპ მკლავჭიდის ეროვნულ ფედერაციას ამ გამარჯვებას და წარმატებებს ვუსურვებთ!