სამართლიანად ჩატარდა თუ არა არჩევნები
საგანგებო სიტუაციების მართვის სამსახური მედიასაშუალებებში გავრცელებულ მცდარ ინფორმაციასთან დაკავშირებით განცახდებას ავრცელებს
13-08-2024
საგანგებო სიტუაციების მართვის სამსახური ზუგდიდში, ბუკიას ქუჩაზე გაჩენილ ხანძართან დაკავშირებით, მედიასაშუალებების მიერ გავრცელებულ ინფორმაციას ეხმიანება. განცხადებას გთავაზობთ უცვლელად.
“გვსურს გამოვეხმაუროთ მედიასაშუალებებში გავრცელებულ ინფორმაციას, რომ თითქოს ზუგდიდში, ბუკიას ქუჩაზე გაჩენილი ხანძრის ადგილზე მისულმა მეხანძრე-მაშველებმა, სახანძრო კიბის გახსნა ვერ შეძლეს.
განვმარტავთ, რომ აღნიშნული ინფორმაცია არ შეესაბამება სიმართლეს. შინაგან საქმეთა სამინისტროს საგანგებო სიტუაციების მართვის სამსახურის თანამშრომლები ინფორმაციის მიღებისთანავე ოპერატიულად გამოცხადდნენ ხანძრის ადგილზე და დაიწყეს სალიკვიდაციო სამუშაოები. ზუგდიდში მომხდარი ხანძრის ქრობის პროცესში არ ყოფილა რაიმე სახის შეფერხება.
აქვე, აღვნიშნავთ, რომ საგანგებო სიტუაციების მართვის სამსახურის ბალანსზე არსებული სპეც-ტექნიკისა და აღჭურვილობის მონიტორინგი პროტოკოლის მიხედვით ყოველდღიურად ხორციელდება„ –აცხადებენ საგანგებო სიტუაციების მართვის სამსახურში.
